Veers (Oort)

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Veers
Laag vun Veers in Düütschland
Basisdaten
Bundsland: Neddersassen
Landkreis: Rodenborg
Gemeen: Scheeßl
Inwahners:
Postleettall: 27383
Vörwahl: 04263
Geograafsche Laag:
Koordinaten:53° 9′ N, 9° 30′ O
53° 9′ N, 9° 30′ O

Veers (hoochdüütsch Veerse) is en lütten Oort in de Gemeen Scheeßl in’n Landkreis Rodenborg, Neddersassen. Binnen de Gemeen höört de Oort to de polietsche Oortschop Badlsdörp.

Geografie[ännern | Bornkood ännern]

De Oort liggt direkt an dat Över von de Veers. De Loop von de Veers is as Naturschuulrebeed Veersdaal schuult.

De Naveröörd sünd Scheeßl in’n Noorden, Westervees in’n Oosten, Deepen in’n Süüdoosten, Brookel in’n Süden, Badlsdörp un Wohlsdörp in’n Süüdwesten un Veersbrügg un Jeersdörp in’n Noordwesten.

Historie[ännern | Bornkood ännern]

Veers kummt 1290 as Versene toeerst in de Oorkunnen vör un weer fröher en Riddergood. De öllsten Besitters weren ut de Familie von Hohnhorst. Later hebbt se dat Good verköfft un dat is dör de Hannen von Oberamtmann Beneken un den Hambörger Müntmeester Löwen gahn, bevör de Familie von Fick dat Good övernahmen hett. Von 1778 bet 1800 weer denn de Familie von Weyhe Besitter von dat Good, de dat an Karl Friedrich von Scheither verköfft hett. Al 1804 is dat Good wedder an de Familie von Weyhe gahn. 1852 hett denn de Familie Müller dat Good övernahmen, de Möller op de Scheeßler Möhl weren.

Dat Good warrt siet dat Johr 2000 von de Familie Kröger bewirtschaft un is 340 Hektar groot. To’n Hoff höört 1400 Stück Veh un en Biogasanlaag mit 500 kW.

In’n Eersten Weltkrieg is een Soldat ut Veers fullen oder vermisst un in’n Tweten Weltkrieg dree.[1][2]

Verwaltungsgeschicht[ännern | Bornkood ännern]

De Oort hett vör 1885 to de Amtsvaagdie Scheeßl in dat Amt Rodenborg tohöört. Na 1885 weer dat in’n Kreis Rodenborg, de 1977 mit’n Landkreis Bremervöör to’n ne’en, grötteren Landkreis Rodenborg tohoopgahn is.

De Oort hett fröher en Goodsbezirk billt. As 1928/1929 de Goodsbezirke oplööst worrn sünd, keem de Oort an de Gemeen Badlsdörp, de an’n 1. März 1974 mit de Gemeenreform in Neddersassen Deel von de Gemeen Scheeßl worrn is. Binnen de Gemeen billt Badlsdörp nu en Oortschop.

Inwahnertall[ännern | Bornkood ännern]

Johr Inwahners
1791-00-001791[3] 1 Füürsteed
1824-00-001824[4] 10 Füürsteden
1848-00-001848[5] 47 Lüüd. 5 Hüüs
1871-12-011. Dezember 1871[6] 49 Lüüd. 6 Hüüs
1885-12-011. Dezember 1885[7] 53 Lüüd. 6 Hüüs
1905-12-011. Dezember 1905[8] 63 Lüüd. 6 Hüüs
1910-12-011. Dezember 1910[9] 73

Religion[ännern | Bornkood ännern]

Veers is evangeelsch-luthersch präägt un höört to dat Kaspel von de Lucas-Kark in Scheeßl.

För de Kathoolschen is de Corpus-Christi-Kark in Rodenborg tostännig.

Kultur[ännern | Bornkood ännern]

En Denkmaal för de Fullenen ut’n Eersten Weltkrieg steiht in Scheeßl bi’t Raadhuus un in de Kark in Scheeßl hängt Gedenktafeln för de Fullenen ut’n Tweten Weltkrieg.

Weertschop un Infrastruktur[ännern | Bornkood ännern]

För Veers is de freewillige Füürwehr Badlsdörp mit tostännig.

Verkehr[ännern | Bornkood ännern]

Veers liggt an de lüttje Straat von Badlsdörp na Scheeßl. De Straat löppt in Badlsdörp an de K 211/K 224 ran un in Scheeßl an de Bundsstraat 75. De B 75 föhrt von Scheeßl in’n Noordoosten över Lauenbrüch na Töst un Bookholt un in’n Süüdwesten na Rodenborg un Otterbarg.

De nächste Autobahn is de Autobahn 1 (Afsnidd HamborgBremen). De Opfohrt 48 Elsdörp liggt so 16 Kilometer in’n Noordwesten von Veers an de L 131.

De nächste Bahnhoff is so bi veer Kilometer wied weg in’n Noorden de Bahnhoff Scheeßl an de Bahnlien Hamborg–Bremen.

Literatur[ännern | Bornkood ännern]

  • Hinrich Meyer: Geschichte des Kirchspiels Scheeßel. Herausgegeben zur 1150 Jahr-Feier von Scheeßel. Scheeßl 1955

Footnoten[ännern | Bornkood ännern]

  1. Onlineprojekt Gefallenendenkmäler
  2. Onlineprojekt Gefallenendenkmäler
  3. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 234
  4. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 616
  5. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 152
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 168
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 180
  8. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 152
  9. Inwahnertallen op gemeindeverzeichnis.de