Schaaphusen
| Wapen/Flagg | Koort | |
|---|---|---|
 |
| |
| Basisdaten | ||
| Flach: | 5,22 km² | |
| Inwahners: | 522 (31. Dezember 2013) | |
| Inwahnerdicht: | 100 Inwahners pro km² | |
| Hööchd: | 15 m över NN | |
| Postleettall: | 28876 | |
| Vörwahl: | 04207 | |
| Geograafsche Laag: | Koordinaten:53° 4′ N, 9° 3′ O53° 4′ N, 9° 3′ O | |
 | ||
|
| ||
Schaaphusen (hoochdüütsch Schaphusen) is en Dörp in de Gemeen Eiten in’n Landkreis Veern, Neddersassen. Schaaphusen billt vondaag ok en polietsche Oortschop binnen de Gemeen Eiten.
To Schaaphusen höört ok de Oort Lindheim un Delen von Bre’enmoor un Möhlendoor mit to.
Geografie
[ännern | Bornkood ännern]De Oort liggt op de Achem-Veerner Geest, een Kilometer in’n Noorden slütt sik dat Daal von de Wümm an. Dat Water ut dat Rebeed flütt över den Bassener Möhlengraven na de Wümm hen af.
De Naveröörd sünd Möhlendoor in’n Noorden, Bornmoor un Bre’enmoor in’n Noordoosten, Bassen mit Bassenergrund in’n Oosten, Lindheim in’n Süden, Eitermöhlen un Eiten in’n Westen un Booköss in’n Noordwesten.
Historie
[ännern | Bornkood ännern]Dat Dörp keem 1466 toeerst in de Oorkunnen vör.
Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Achem in’n Kanton Achem höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1852 to de Oostvaagdie in dat Gogericht Achem tohöört un von 1852 bet 1885 to dat Amt Achem. Na 1885 weer dat in’n Kreis Achem. 1932 is dat Deel von’n Kreis Veern worrn.
1929 is Lindheim von de Gemeen Emzen an de Gemeen Schaaphusen kamen.
De Oort hett sik an’n 1. April 1968 de Eenheitsgemeen Eiten anslaten. Mit de Gemeenreform in Neddersassen an’n 1. Juli 1972 is de Gemeen Eiten noch grötter worrn. Schaaphusen billt sietdem en egene polietsche Oortschop mit en Oortsvörsteiher.
Inwahnertall
[ännern | Bornkood ännern]| Johr | Inwahners |
|---|---|
| 1791[1] | 6 Füürsteden |
| 1812[2] | 67 |
| 1824[3] | 6 Füürsteden |
| 1848[4] | 83 Lüüd, 12 Hüüs |
| 1. Dezember 1871[5] | 104 Lüüd, 18 Hüüs |
| 1. Dezember 1885[6] | 127 Lüüd, 18 Hüüs |
| 1. Dezember 1905[7] | 135 Lüüd, 22 Hüüs |
| 1. Dezember 1910[8] | 182 |
| 1925[9] | 228 |
| 1933[9] | 346 |
| 1939[9] | 347 |
Religion
[ännern | Bornkood ännern]Schaaphusen is evangeelsch-luthersch präägt un höört to dat Kaspel von de Petrus-Kark in Eiten. Düsse Kark is 1861 boot worrn. Vörher hett de Oort to dat Kaspel von de Laurentius-Kark in Achem tohöört.
För de Kathoolschen is de St.-Matthias-Kark in Achem tostännig.
Oortsvörsteihers
[ännern | Bornkood ännern]- opstunns: Rainer Wagener
Kultur
[ännern | Bornkood ännern]En Denkmaal för de Fullenen ut de twee Weltkrieg’ steiht in Schaaphusen an de Dörpstraat.[10]
Verenen
[ännern | Bornkood ännern]De Schütten ut Schaaphusen sünd in’n Schüttenvereen Möhlendoor mit aktiv.
Weertschop un Infrastruktur
[ännern | Bornkood ännern]För Schaaphusen is de freewillige Füürwehr Bassen mit tostännig.
Verkehr
[ännern | Bornkood ännern]An’n Süüdrand von Schaaphusen löppt de Landsstraat 168 langs, de in’n Westen na Eiten un na Bremen-Oosterholt geiht un in’n Noordoosten na Bassen un Otterbarg. In’n Noorden geiht de Schaaphüser Dörpstraat över Möhlendoor an de Kreisstraat 2 ran, de in’n Noorden na Hu’e geiht.
De nächste Autobahn is de Autobahn 1 (Afsnidd Hamborg–Bremen). De Opfohrt 52 Eiten liggt so dree Kilometer in’n Süüdwesten von Schaaphusen an de L 167.
De nächste Bahnhoff is so bi söss Kilometer wied weg in’n Noordwesten de Bahnhoff Sao’ern an de Bahnlien Hamborg–Bremen.
Scholen
[ännern | Bornkood ännern]Vör 1860 sünd de Kinner ut Schaaphusen in Eiten na School gahn. In dat Johr hett denn en School in Möhlendoor apenmaakt, de ok för Schaaphusen tostännig weer. In de twete Hälft von dat 20. Johrhunnert hett de School wedder dichtmaakt. Sietdem gaht de Kinner ut Schaaphusen na de Grundschool Bassen.
Footnoten
[ännern | Bornkood ännern]- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 200
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 95
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 534
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 143
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 167
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 176
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 2
- ↑ Inwahnertallen op gemeindeverzeichnis.de
- ↑ a b c Inwahnertallen op verwaltungsgeschichte.de
- ↑ Onlineprojekt Gefallenendenkmäler
Weblenken
[ännern | Bornkood ännern]
Bassen | Booköss | Eiten-Noord | Eiten-Süüd | Eiterdamm | Meyerdamm | Sao’ern | Schaaphusen