Pehmworth
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21763 | |
| Vörwahl: | 04751 | |
| Geograafsche Laag: | Koordinaten:53° 46′ N, 8° 55′ O53° 46′ N, 8° 55′ O | |
|
| ||
Pehmworth (hoochdüütsch Pedingworth) is en Oort in de Gemeen Neenkarken (Samtgemeen Land Hadeln) in’n Landkreis Cuxhoben, Neddersassen. De Oort warrt ok woll Jerusalem nöömt.
To Pehmworth höört ok de lüttjere Oort Heimhusen mit bi, de op de süden Sied von de Utwettern liggt.
Geografie
[ännern | Bornkood ännern]De Oort liggt an de Mehm in Land Hadeln un in de Masch von de Ünnerelv.
De Naveröörd sünd Scholen in’n Noorden, Oosterbrook in’n Oosten, Ophusen in’n Süüdoosten, Heimhusen un Helmworth in’n Süden, dat Süderenn von Neenkarken in’n Süüdwesten, Höörfelln in’n Westen un Neenkarken un Brüünhemm in’n Noordwesten.
Historie
[ännern | Bornkood ännern]Verwaltungsgeschicht
[ännern | Bornkood ännern]De Oort hett vör 1852 to dat Kaspelsgericht Oosterenn-Oterndörp in dat Land Hadeln tohöört un denn von 1852 bet 1885 to dat Amt Oterndörp. Na 1885 weer dat in’n Kreis Hadeln. 1932 is dat Deel von’n Kreis Land Hadeln worrn un 1977 von’n Landkreis Cuxhoben.
De Oort hett bet 1929 to de Gemeen Oosterenn-Oterndörp tohöört. As düsse Gemeen 1929 oplööst worrn is, is Pehmworth mit Brüünhemm un en Deel von Scholen an de Gemeen Neenkarken kamen.
Inwahnertall
[ännern | Bornkood ännern]| Johr | Inwahners |
|---|---|
| 1791[1] | 74 Füürsteden |
| 1848[2] | 276 Lüüd, 59 Hüüs |
| 1. Dezember 1871[3] | 199 Lüüd, 52 Hüüs |
| 1. Dezember 1885[4] | 191 Lüüd, 49 Hüüs |
| 1. Dezember 1905[5] | 170 Lüüd, 43 Hüüs |
Religion
[ännern | Bornkood ännern]Pehmworth is evangeelsch-luthersch präägt un höört to dat Kaspel von de Severus-Kark in Oterndörp.
För de Kathoolschen is de Hillig-Krüüz-Kark in Oterndörp tostännig.
Weertschop un Infrastruktur
[ännern | Bornkood ännern]För Pehmworth is de freewillige Füürwehr Neenkarken mit tostännig.
Verkehr
[ännern | Bornkood ännern]Pehmworth is in’n Westen anbunnen an de Landsstraat 117, de in’n Noordwesten na de L 118 geiht un in’n Süden na Helmworth, Steenau un Beers. De L 118 wedder löppt in’n Noorden an de Bundsstraat 73, de in’n Noordwesten över Olenbrook na Cuxhoben föhrt un in’n Süüdoosten över Neehuus, Kumbarg un Hemmoor na Stood.
De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 1 Cuxhoben liggt so 18 Kilometer in’n Noordwesten von Pehmworth an de B 73.
De nächste Bahnhoff is so bi söss Kilometer wied weg in’n Noordwesten de Bahnhoff Oterndörp an de Nedderelvbahn von Cuxhoben na Hamborg.
Scholen
[ännern | Bornkood ännern]De Kinner ut Pehmworth gaht na de Hinnerk-Willem-Kopp-School in Neenkarken. Fröher harr Pehmworth ok en egen Volksschool in’t Dörp, de aver 1931 dichtmaakt worrn is, üm all Schölers ut de Gemeen Neenkarken in een School to ünnerrichten.
Footnoten
[ännern | Bornkood ännern]- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 181
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 156
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 150
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 158
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 68