Patrick Faber (Politiker)
.jpg)
Patrick Jason Faber (* 21. März 1978[1] in Belize-Stadt) is en Politiker ut Belize (UDP).
Leven[ännern | Bornkood ännern]
Faber is 1978 in Belize-Stadt boren. 1998 hett he en Bachelor of Arts in Weertschopswetenschoppen an de Valdosta State University in Valdosta (USA) maakt un 2003 denn en Master in Educational Leadership an de University of North Florida.
Faber is scheedt un hett dree Kinner.
An’n 17. November 2017 Klock negen weer Faber tohoop mit Godwin Hulse un negen annere Lüüd in en Fleger von Tropic Air, de op’n Placencia Airport jüst loosflegen wull na Punta Gorda, as en Fohrtüüg op de Startbahn ünnerwegens weer.[2] De Fleger un dat Fohrtüüg sünd tophoopstött un de Fleger is in de Karibische See stört.[2] De Lüüd in’n Fleger un in dat Fohrtüüg hebbt aver all överleevt.[2]
Politik[ännern | Bornkood ännern]
Bi de Parlamentswahl in Belize 2003 weer he Kannedaat för de UDP in’n Wahlkreis Collet un hett de Wahl mit 50,10 % von de Stimmen gegen Remijio Montejo von de PUP wunnen. Bi de Wahlen 2008 (57,29 % von de Stimmen gegen Carolyn Ann Trench-Sandiford, PUP), 2012 (63,99 % gegen Carolyn Ann Trench-Sandiford, PUP) un 2015 (64,74 % gegen Yasmin Shoman, PUP) hett he sik in’n sülven Wahlkreis ok wedder dörsett.
Dormit is he siet 5. März 2003 Afornten von dat Repräsentantenhuus von Belize. Nadem de UDP bi de Wahl 2008 de Regeren övernahmen hett, is Faber an’n 12. Februar 2008 ünner Premierminister Dean Barrow Minister för Bildung in dat Kabinett Barrow I worrn. An’n 1. Juni 2010 hett he tosätzlich dat Themenfeld Junge Lüüd von Elvin Penner övernahmen.[3]
Na de Wahl 2012 hett he von’n 12. März 2012 af an tosätzlich ok dat Themenfeld Sport tokregen (Kabinett Barrow II un III). Sien Ministerium is dormit för Bildung, Wetenschop un Technologie, Kultur, Junge Lüüd un Sport tostännig. Nadem Gaspar Vega sien Ämter afgeven müss hett Faber an’n 17. Oktober 2016 ok dat Amt as Viez-Premierminister kregen. Dat Amt as Viez-Parteivörsitter von de UDP hett he jüstso von Vega övernahmen.
Vör de Parlamentswahl 2020 is Faber bi de Wahl to’n UDP-Spitzenkannedaat an’n 9. Februar gegen John Saldivar antreden, hett de Wahl aver verloren. Een Dag later hett he sien Amt as Viez-Premier afgeven. Hugo Patt is sien Nafolger worrn.[4]
Footnoten[ännern | Bornkood ännern]
- ↑ Belize Public Service Staff List 2014
- ↑ a b c Duane Moody: Tropic Air Plane, with Ministers and Others Inside, Sinks after Clipping Vehicle at Airstrip, Channel 5 Belize an’n 17. November 2017
- ↑ Aaron Humes: PM Barrow announces Cabinet reshuffle, Amandala an’n 4. Juni 2010
- ↑ Deputy Prime Minister of Belize resigns, Breaking Belize News an’n 10. Februar 2020
Weblenken[ännern | Bornkood ännern]
Patrick Faber (Politiker). Mehr Biller, Videos oder Audiodateien to’t Thema gifft dat bi Wikimedia Commons.
1981–1984: C. L. B. Rogers | 1984–1989: Curl Thompson | 1989–1993: Florencio Marin Sr. | 1993–1998: Dean Barrow | 1998–2007: Johnny Briceño | 2007–2008: Juan Vildo Marin | 2008–2016: Gaspar Vega | 2016–2020: Patrick Faber | 2020: Hugo Patt | 2020–: Cordel Hyde