Ooldbachenbrook

Vun Wikipedia
Wapen/Flagg Koort
hett keen Wapen
Ooldbachenbrook
Laag vun Ooldbachenbrook in Düütschland
Basisdaten
Bundsland: Neddersassen
Landkreis: Cuxhoben
Samtgemeen: Land Hadeln
Gemeen: Steenau
Inwahners:
Postleettall: 21775
Vörwahl: 04756
Geograafsche Laag:
Koordinaten:53° 40′ N, 8° 56′ O
53° 40′ N, 8° 56′ O

Karte

Ooldbachenbrook (hoochdüütsch Altbachenbruch) is en Dörp in de Gemeen Steenau (Samtgemeen Land Hadeln) in’n Landkreis Cuxhoben, Neddersassen.

Geografie[ännern | Bornkood ännern]

De Oort liggt in dat Moor von dat Siedland in’n Süden von Land Hadeln. Dat Water ut dat Rebeed flütt över de Gösch af na’n Haadler Kanaal, de siet de twete Hälft von dat 19. Johrhunnert dör den Noorden von Ooldbachenbrook löppt.

De Naveröörd sünd de Godshemer Oortsdelen Süderdeel un An’n See in’n Noorden, Sankt Joost in’n Noordoosten, Stinst in’n Oosten, Neebachenbrook un Maurismaur in’n Süüdoosten, Möhdiek, Ankloh un Höörn in’n Süüdwesten un dat Süderenn von Steenau in’n Noordwesten.

Historie[ännern | Bornkood ännern]

De Naam Ooldbachenbrook is eerst opkamen, nadem 1755 Neebachenbrook grünnt worrn is. Vörher hett de Oort blots Bachenbrook heten. Ok vondaag warrt noch fakener Bachenbrook seggt, besünners wenn beide Dörper meent sünd.

Verwaltungsgeschicht[ännern | Bornkood ännern]

De Oort hett vör 1852 to dat Kaspelsgericht Steenau von dat Land Hadeln tohöört un denn von 1852 bet 1885 to dat Amt Oterndörp. Na 1885 weer dat in’n Kreis Hadeln, de 1932 Deel von’n grötteren Kreis Land Hadeln worrn is. Siet 1977 höört de Oort to’n Landkreis Cuxhoben.

Inwahnertall[ännern | Bornkood ännern]

Johr Inwahners
1791-00-001791[1] 30 Füürsteden
1848-00-001848[2] 136 Lüüd, 26 Hüüs
1871-12-011. Dezember 1871[3] 150 Lüüd, 28 Hüüs

Religion[ännern | Bornkood ännern]

Ooldbachenbrook is evangeelsch-luthersch präägt un höört to dat Kaspel von de Johannes-Kark in Steenau.

För de Kathoolschen is de Hillig-Krüüz-Kark in Oterndörp tostännig.

Kultur[ännern | Bornkood ännern]

Verenen[ännern | Bornkood ännern]

De Schüttenvereen Bachenbrook un Ümgegend is 1908 grünnt worrn.

Weertschop un Infrastruktur[ännern | Bornkood ännern]

För Ooldbachenbrook is de freewillige Füürwehr Steenau mit tostännig.

Verkehr[ännern | Bornkood ännern]

De Straat dör Bachenbrook geiht in’n Süüdoosten över in de Kreisstraat 33, de an de Landsstraat 116 ran löppt. In’n Noordwesten geiht de Straat na de L 144 twüschen Godshem un Steenau. De L 144 föhrt in’n Noordoosten över Godshem un Bülkau na Neehuus un in’n Westen an de L 117 ran. De L 117 löppt in’n Noorden na Helmworth un Neenkarken un in’n Süden na Beers. De L 116 wedder geiht in’n Süüdwesten na Lintig un in’n Oosten na Loomst un na Heckthusen.

De nächste Autobahn is de Autobahn 27 (Afsnidd BremerhobenCuxhoben). De Opfohrt 5 Debst liggt so 21 Kilometer in’n Süüdwesten von Ooldbachenbrook an de L 120.

De nächsten Bahnhööv sünd so bi 19 Kilometer wied weg in’n Noorden de Bahnhoff Oterndörp un in’n Noordoosten de Bahnhoff Kumbarg an de Nedderelvbahn von Cuxhoben na Hamborg. Von 1896 bet 1968 hett dat ok Personenverkehr op de Bahnlien Bremerhoben–Beers geven. De Bahnhoff Beers leeg teihn Kilometer in’n Süüdwesten von’n Oort.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 13
  2. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 157
  3. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 150