Möhdiek

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Möhdiek
Laag vun Möhdiek in Düütschland
Basisdaten
Bundsland: Neddersassen
Landkreis: Cuxhoben
Samtgemeen: Land Hadeln/-
Gemeen: Steenau/Geestland
Inwahners:
Postleettall: 21775
Vörwahl: 04756
Geograafsche Laag:
Koordinaten:53° 39′ N, 8° 55′ O
53° 39′ N, 8° 55′ O

Möhdiek (hoochdüütsch Mühedeich) is en Oort in de Gemenen Steenau (Samtgemeen Land Hadeln) un Geestland in’n Landkreis Cuxhoben, Neddersassen. De gröttere Deel höört to Steenau un blots een Huus to Ankloh in de Oortschop Beers binnen de Gemeen Geestland.

Geografie[ännern | Bornkood ännern]

Möhdiek liggt dicht bi dat Över von de Möh ganz in’n Süden von Hadeln. In’n Nordwesten von’n Oort löppt de Haadler Kanaal langs.

De Naveröörd sünd dat Süderenn von Godshem un Ooldbachenbrook in’n Noordoosten, Neebachenbrook un Maurismaur in’n Süüdoosten, Lührsfeld in’n Süden, Ankloh un Beers in’n Süüdwesten, Steenau-Höörn in’n Westen un Steenau-Lauendeel un -Süderenn in’n Noordwesten.

Historie[ännern | Bornkood ännern]

Verwaltungsgeschicht[ännern | Bornkood ännern]

De Haadler Deel von’n Oort hett vör 1852 to dat Land Hadeln tohöört. Von 1852 bet 1885 weer dat in dat Amt Oterndörp un denn in’n Kreis Hadeln. 1932 is dat Deel von’n Kreis Land Hadeln worrn un 1977 von’n Landkreis Cuxhoben.

Dat Huus, dat to Ankloh höört hett, hett vör 1859 in de Vaagdie Lintig in de Böörd Ringst, Amt Beers, legen. Von 1859 bet 1885 weer dat in dat Amt Leh un von 1885 bet 1932 in’n Kreis Leh. 1932 is dat Deel von’n Kreis Wersermünn worrn un 1977 von’n Landkreis Cuxhoben.

As Deel von de Gemeen Ankloh keem dat Ankloher Huus von Möhdiek 1968 an de Gemeen Beers. De Gemeen Beers is to’n 1. Januar 2015 oplööst worrn. Dat ganze Rebeed höört nu to de Gemeen Geestland.

Inwahnertall[ännern | Bornkood ännern]

Steenau:

Johr Inwahners
1848-00-001848[1] 51 Lüüd. 9 Hüüs
1871-12-011. Dezember 1871[2] 51 Lüüd. 11 Huus

Ankloh:

Johr Inwahners
1793-00-001793[3] 1 Füürsteed
1824-00-001824[4] 1 Füürsteed
1871-12-011. Dezember 1871[5] 8 Lüüd. 1 Huus

Religion[ännern | Bornkood ännern]

Möhdiek is evangeelsch-luthersch präägt un höört to dat Kaspel von de Johannes-Kark in Steenau. Dat Huus, dat to Ankloh höört, hett fröher in dat Kaspel von de luthersch/reformeerte Simultankark St. Fabian in Ringst legen, hett later denn aver ok to de Kark in Steenau höört.

Kultur[ännern | Bornkood ännern]

Verenen[ännern | Bornkood ännern]

De Schüttenvereen Steenau-Hull, de sien Schüttenhuus in’n Ankloher Deel von Möhdiek hett, is 1909 grünnt worrn.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Von Möhdiek loopt Straten na Höörn in’n Westen (an de Landsstraat 119 ran), Steenau in’n Noordwesten (na de Kreisstraat 19), Godshem in’n Noordoosten un Ankloh in’n Süüdwesten.

De nächste Autobahn is de Autobahn 27 (Afsnidd CuxhobenBremerhoben). De Opfohrt 5 Debst liggt so 19 Kilometer in’n Süüdwesten von Möhdiek.

De nächsten Bahnhööv is so bi 21 Kilometer wied weg in’n Noorden de Bahnhoff Oterndörp an de Nedderelvbahn un 20 Kilometer in’n Süden de Bahnhoff Geestenseth an de Bahnlien Bremerhoben–Buxthu.

Footnoten[ännern | Bornkood ännern]

  1. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 157: http://books.google.de/books?id=eOI-AAAAcAAJ&pg=PA157
  2. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 150: https://books.google.de/books?id=qTZDAQAAMAAJ&pg=RA2-PA150
  3. C. B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 158: https://books.google.de/books?id=jN5QAAAAcAAJ&pg=PA158
  4. C. H. Jansen: Statistisches Handbuch des Königreichs Hannover. 1824, Sied 416: http://books.google.de/books?id=tG0AAAAAcAAJ&pg=PA416
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 151: https://books.google.de/books?id=qTZDAQAAMAAJ&pg=RA2-PA151