Lührsfeld

Vun Wikipedia
Wapen/Flagg Koort
hett keen Wapen
Lührsfeld
Laag vun Lührsfeld in Düütschland
Basisdaten
Bundsland: Neddersassen
Landkreis: Cuxhoben
Gemeen: Geestland
Inwahners:
Postleettall: 27624
Vörwahl: 04745
Geograafsche Laag:
Koordinaten:53° 37′ N, 8° 56′ O
53° 37′ N, 8° 56′ O

Karte

Lührsfeld (hoochdüütsch Lührsfelde) is en lütten Oort in de Gemeen Geestland in’n Landkreis Cuxhoben, Neddersassen. De Oort höört polietsch al von öllers bi Lintig mit bi.

Geografie[ännern | Bornkood ännern]

Lührsfeld liggt op de Geest, na Oosten hen slütt sik Moor an. Dat Water ut dat Rebeed flütt över Gravens na’n Ankloher Randkanaal af, de in’n Noordwesten mit’n Beerster See verbunnen is un in’n Süüdoosten mit de Möh/Moorau.

De Naveröörd sünd Möhdiek in’n Noorden, Neebachenbrook un Maurismaur in’n Noorden, Horn in’n Oosten, Meckelst in’n Süden, Lintig in’n Süüdwesten un Ankloh mit Falkenborg in’n Noordwesten.

Historie[ännern | Bornkood ännern]

Verwaltungsgeschicht[ännern | Bornkood ännern]

Lührsfeld höört al jümmer to de Gemeen Lintig mit to.

De Oort hett vör 1859 to de Vaagdie Lintig von dat Amt Beers tohöört un denn to dat Amt Leh. Na 1885 weer dat in’n Kreis Leh. 1932 is dat Deel von’n Landkreis Wersermünn worrn un 1977 von’n Landkreis Cuxhoben.

An’n 1. April 1971 sünd de dree Dörper Lintig, Meckelst un Hain as egenstännige Gemenen Liddmaat von de eerste Samtgemeen Beers worrn. Dat hett aver blots bet to’n 1. März 1974 duurt, denn sünd de dree Dörper bi de Gemeenreform in Neddersassen to een Gemeen tohoopleggt worrn, de Gemeen Lintig heten hett, un sünd Deel von de ne’e, gröttere Samtgemeen Beers worrn.

De Gemeen Lintig is to’n 1. Januar 2015 mit de Gemenen von de Samtgemeen Beers un de Stadt Langen to de Gemeen Geestland tohoopgahn. De fröhere Gemeen Lintig billt nu binnen de Gemeen Geestland de Oortschop Lintig.

Religion[ännern | Bornkood ännern]

Lührsfeld is evangeelsch-luthersch un evangeelsch-reformeert präägt un höört to dat Kaspel von de Simultankark St. Fabian in Ringst.

För de Kathoolschen is de Hillig-Hart-Jesu-Kark in Bremerhoben-Leh tostännig, to de ok de St.-Benedikt-Kapell in Beers tohöört.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Dör Lührsfeld löppt de Landsstraat 116, de in’n Noordoosten över Mittelsnohn na Loomst an de Bundsstraat 495 un wieder na Heckthusen an de B 73 geiht un in’n Süüdwesten na Lintig un Hainmöhlen an de Landsstraten L 119 un L 128 ran. De L 119 geiht in’n Noordwesten över Beers na Niewohl un in’n Süüdoosten na Meckelst un Eversdörp op Bremervöör to. De L 128 löppt in’n Süden na Beverst. Von de L 116 na Ankloh föhrt de Kreisstraat 37.

De nächste Autobahn is de Autobahn 27 (Afsnidd BremerhobenCuxhoben). De Opfohrt 5 Debst liggt so 20 Kilometer in’n Westen von Lührsfeld an de L 120.

De nächste Bahnhoff is so bi 16 Kilometer wied weg in’n Süden de Bahnhoff Geestenseth an de Bahnlien Bremerhoben–Buxthu. Von 1896 bet 1968 hett dat ok Personenverkehr op de Bahnlien Bremerhoben–Beers geven. De Bahnhoff Beers leeg negen Kilometer in’n Westen von’n Oort.