Sankt Joost (Stinst)

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Sankt Joost
Laag vun Sankt Joost in Düütschland
Basisdaten
Bundsland: Neddersassen
Landkreis: Cuxhoben
Samtgemeen: Loomst
Gemeen: Stinst
Inwahners:
Postleettall: 21772
Vörwahl: 04756
Geograafsche Laag:
Koordinaten:53° 41′ N, 8° 58′ O
53° 41′ N, 8° 58′ O

Denkmaal an de Steed von de ole Kapell
Denkelsteen an de Steed von de ole Kapell

Sankt Joost (hoochdüütsch Sankt Joost) is en lütt Oort in de Gemeen Stinst in’n Landkreis Cuxhoben, Neddersassen.

Geografie[ännern | Bornkood ännern]

In’n Noordoosten von Sankt Joost liggt de Balksee un in’n Süüdwesten dat Wild Moor bi Stinst. In’n Noordwesten is de Haadler Kanaal so bi een Kilometer wied weg.

De Naveröörd sünd Boomoor in’n Noorden, de Eekhoffsbarg un Varrel in’n Oosten, Nordahn un Mittelsnohn in’n Süüdoosten, Stinst in’n Süden, Ooldbachenbrook in’n Süüdwesten un dat Karkdörp von Godshem in’n Noordwesten.

Historie[ännern | Bornkood ännern]

De Oort kummt 1367 toeerst in de Oorkunnen vör. Do hett dat al en Kapell geven, de den Hilligen Joost wieht wesen is. Dor kummt ok de Naam von’n Oort von af. De eersten Hüüs bi de Kapell kaamt 1475 toeerst in de Oorkunnen vör. Dor sünd in de Tied veel Pilgers op Wallfohrt henkamen. In de Tied von de Reformatschoon güng dat mit de Wallfohrt bargdal un 1541 is de Kapell afreten worrn. Dat Inventar is op de Karken in de Ümgegend verdeelt worrn. De Altorlüchten un de Krüzigungsgrupp sünd woll na de Johannis-Kark in Bülkau gahn un de Avendmahlsbeker na de Bartelmees-Kark in Loomst.

De Resten von de Hüüs, de fröher bi de Kapell stahn hebbt, sünd 1925 und 1932/1933 von Arnold Dock un Willi Klenck utgraavt worrn.

1998 hebbt de Gemenen Stinst un Godshem en Denkelsteen opstellt, de an de ole Kapell denken lett.

Vondaag wiest ok dat Wapen von de Gemeen Stinst den Hilligen Joost.

Inwahnertall[ännern | Bornkood ännern]

Johr Inwahners
1824-00-001824[1] 2 Füürsteden
1848-00-001848[2] 11 Lüüd. 3 Hüüs

Religion[ännern | Bornkood ännern]

Sankt Joost is evangeelsch-luthersch präägt un höört to dat Kaspel von de Bartelmees-Kark in Loomst.

För de Kathoolschen is de St.-Ansgar-Kark in Warstood tostännig, de siet 2010 Deel von de Karkengemeen Hillig Geist in Stood is.

Infrastruktur[ännern | Bornkood ännern]

Verkehr[ännern | Bornkood ännern]

Sankt Joost liggt an de Kreisstraat 34, de in’n Süüdoosten na Stinst un Mittelsnohn an de Landsstraat 116 ran löppt un in’n Noordwesten na Godshem na de Landsstraat 144 hen geiht.

De nächste Bahnhoff is de Bahnhoff Kumbarg an de Nedderelvbahn un so bi 16 Kilometer weg.

Literatur[ännern | Bornkood ännern]

  • Arnold Dock: Die Kapelle St. Joost, in: Jahrbuch der Männer vom Morgenstern 23, 1926-28, S. 39-48
  • Johannes Göhler: Die Kapelle „zum Trost“ im Moor - Die mittelalterliche Wallfahrt der Norddeutschen zu St. Joost, in: Jahrbuch der Männer vom Morgenstern 77/78, 1998/99, S. 91-120
  • Willi Klenck: Nachrichten über den Wallfahrtsort St. Joost im Lande Hadeln, in: Jahrbuch der Männer vom Morgenstern 26, 1932-3, S. 34-54

Footnoten[ännern | Bornkood ännern]

  1. C. H. Jansen: Statistisches Handbuch des Königreichs Hannover. 1824, Sied 320: http://books.google.de/books?id=tG0AAAAAcAAJ&pg=PA320
  2. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 133: http://books.google.de/books?id=eOI-AAAAcAAJ&pg=PA133

Weblenken[ännern | Bornkood ännern]

Commons-logo.svg Sankt Joost. Mehr Biller, Videos oder Audiodateien to’t Thema gifft dat bi Wikimedia Commons.
Wikisource-logo.svg Bi’n Wikiborn gifft dat Originalschriften över dat Thema oder vun den Schriever: Die Capelle zu St. Jost ut Alterthümer, Geschichten und Sagen der Herzogthümer Bremen und Verden (op hoochdüütsch).