Eekhoffsbarg

Wapen/Flagg	Koort
Basisdaten
Bundsland: Neddersassen Landkreis: Cuxhoben Samtgemeen: Loomst Gemeen: Stinst
Inwahners:
Postleettall:	21772
Vörwahl:	04756
Geograafsche Laag:	53° 41′ N, 8° 60′ O

Luftbild von Eekhoffsbarg von Süüdsüüdwesten keken (2012)

Eekhoffsbarg (hoochdüütsch Eichhofsberg) is en Oort in de Gemeen Stinst (Samtgemeen Loomst) in’n Landkreis Cuxhoben, Neddersassen. De Oort höört polietsch von öllers bi Stinst mit bi.

Geografie

Eekhoffsbarg liggt tohoop mit Stinst un Sankt Joost op en Geestinsel mit Moor op all Sieden ümto. In’n Noordoosten von’n Oort liggt de Balksee un dat Naturschuulrebeed Balksee un Randmooren/Basmoor un Nordahner Holt. De Ohrensbeek, de in’n Oosten langsflütt, münnt in’n Balksee.

De Naveröörd sünd Süderbusch in’n Noordoosten, Varrel in’n Oosten, Nordahn un Mittelsnohn in’n Süüdoosten, Stinst in’n Süüdwesten, Sankt Joost in’n Westen un Goddshem un Boomoor in’n Noordwesten.

Historie

Verwaltungsgeschicht

De Oort hett vör 1885 to dat Amt Oosten tohöört. Na 1885 weer dat in’n Kreis Neehuus. 1932 is dat Deel von’n Kreis Land Hadeln worrn un 1977 von’n Landkreis Cuxhoben.

Inwahnertall

Johr	Inwahners
1871-12-011. Dezember 1871	37 Lüüd, 8 Hüüs

Religion

Eekhoffsbarg is evangeelsch-luthersch präägt un höört to dat Kaspel von de Bartelmees-Kark in Loomst.

För de Kathoolschen is de St.-Ansgar-Kark in Warstood tostännig, de siet 2010 Deel von de Karkengemeen Hillig Geist in Stood is.

Weertschop un Infrastruktur

Verkehr

Von Eekhoffsbarg gaht lüttjere Straten na Boomoor un an de Landsstraat 144, na Nordahn an de Kreisstraat 29 un na Stinst an de K 34.

De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 5 Debst liggt so 30 Kilometer in’n Süüdwesten von Eekhoffsbarg.

De nächste Bahnhoff is so bi 21 Kilometer wied weg in’n Oosten de Bahnhoff Hemmoor an de Nedderelvbahn.