Nichmetall

Vun Wikipedia
(wiederwiest vun Nichtmetall)

Nichmetallen sünd in de Chemie de Elementen, de keen Metall sünd.

De Nichmetalle staht in dat Periodensystem baven un rechts. De metallische Charakter ward in een un de sülvige Period na rechts jümmers weniger. In en Grupp wasst he dorgegen vun baven na ünnen, dat heet je grötter de Atomen, desto metallischer dat Element.

Nichtmetallen sünd:

Nichmetallen sünd bannig elektronegativ. Dat heet, dat se geern noch wat an Elektronen dorto kreegen wüllt. So kümmt dat, dat dat Chlor besünners licht to dat Chlorid-Ion ward. Dorüm finns de Nichmetallen tomeist as Anion. Utnahmem dorvun sünd aver de Eddelgasen, de so goot as gor nich reageert.

Bi den Kohlenstoff stellt sik ober de Fraag, wat dat nu nipp un nau is. Kieks den Sott an, den de Sottje ut den Schosteen rutholt, denn is dat en Nichtmetall. Besünners ober de Demant, wat en anner Modifikatschoon vun den Kohlenstoff is, is en typisch Nichmetall. Ober denn in’n Bliesticken, dor is Graphit binnen. Un wenn du dor een Batterie ranmookst un en Lamp, denn kanns sehn, dat de elektrisch Stroom dor goot dörgeiht. Dat tellt ober to den metallschen Charakter.