Livermorium

Vun Wikipedia
116 McLivermoriumTs
Po

Lv

nix
Allgemeen
Naam, Teken, Atomtall Livermorium, Lv, 116
Cheemsch Serie Metall
Klöör nich bekannt
Atommass ? u
Elektronenkonfiguratschoon [Rn]5f146d107s27p4
(afleidt vun Po)
Elektronen je Schaal 2, 8, 18, 32, 32, 18, 6
Physikaalsche Egenschoppen
Phaas Faststoff (schätzt)
Atomare Egenschoppen
Annere Egenschoppen
Isotopen (Utwahl)
Hööftartikel: Isotopen vun Livermorium
Iso VN t½ VO VE (MeV) VP
292Lv nee 0,18 ms α 10,66 288Fl

Livermorium (fröher ok Ununhexium oder ok Eka-Polonium) is de Naam vun dat künstlich tüügte cheemsch Element mit de Atomtall 116 un dat Atomteken Lv. Dat Element tellt to de Transactinoiden.

Historie[ännern | Bornkood ännern]

Forschers an dat Lawrence Berkeley National Laboratory harrn 1999 in de Fachtietschrift Physical Review Letters[1] bericht, dat se de Elementen Ununhexium un Ununoctium opdeckt harrn. Een Johr later hebbt se de Publikatschoon torüchtogen, nadem keen annern Forscher dat fardig brocht harr, jemehr Experiment natomaken[2]. In’n Juni 2002 is denn rutkamen, dat de Hööftschriever vun de Publikatschoon, Victor Ninov en Bedrug maakt harr mit verkehrte Ergeevnisse, de he sik denn torecht bagen hett.

Opdecken[ännern | Bornkood ännern]

Dat Vereenigte Institut för Karnforschen in Dubna, Russland hett in’n Dezember 2000 Resultaten publizeert[3], wona in’t Johr 2000 dat Isotop 292Uuh opdeckt worrn is. Tüügt worrn is dat ut de Karnreakschoon vun 248Cm mit 48Ca. Doran bedeeligt weern Forschers ut dat Institut sülvst un vun’t Lawrence Livermore National Laboratory.

Dat Lv-Isotop is dorna to 288Fl verfallen mit en Halfweertstiet vun 18 Millisekunnen. An’n 11. Mai 2001 hett dat Institut dorvun bericht, dat se een tweet Atom tostannen kregen hebbt, un dat de Egenschoppen dorvun en Rebeet vun grötterer Bestännigkeit bestätigen deit. De Synthees vun dat Element weer 2004 an’t Vereenigte Institut för Karnforschen mit en annere Methood bestätigt (över de cheemsch Identifikatschoon vun de Verfallsprodukten.)

In’n Juni 2001 hett de IUPAC bestätigt, dat dat Element opdeckt worrn is[4]. Eerst harr dat Element den vörlöpigen Naam Ununhexium ut dat latiensche vun un „een“ un hexa „söss“. De Naam geev also de enkelten Tallen wedder. An’n 1. Dezember 2011 is de offizielle Naam Livermorium vörslahn worrn, de vun de Stadt Livermore, woneem dat bedeeligte Institut sitten deit. De Vörslag is an’n 30. Mai 2012 vun de IUPAC annahmen worrn[5].

Wietere Forschen[ännern | Bornkood ännern]

2006 is bekannt geven worrn, dat dat noch dree wietere Experimenten geven harr, bi de 249Cf mit 48Ca-ionen beschaten worrn is, üm dorut dat Element Ununoctium (Uuo) to tügen, dat denn binnen een Millisekunn to Livermorium verfallen is[6].

De Reakschoon, worut Livermorium tüügt worrn is geiht:

Dat Isotop vun Livermorium is 47 ms later in en Isotop vun dat Element 114 (Flerovium, Fl) verfallen:

Kiek ok[ännern | Bornkood ännern]

Bornen[ännern | Bornkood ännern]

  1. Ninov, V.; et al. (1999). "Observation of Superheavy Nuclei Produced in the Reaction of 86Kr with 208Pb". Physical Review Letters 83: 1104. DOI:10.1103/PhysRevLett.83.1104.
  2. Editorial note on the preceding
  3. Oganessian, Yu. Ts.; et al. (2000). Observation of the decay of 292116. Physical Review C 63: 011301. DOI:10.1103/PhysRevC.63.011301.
  4. Robert C. Barber, Paul J. Karol, Hiromichi Nakahara, Emanuele Vardaci, Erich W. Vogt: Discovery of the elements with atomic numbers greater than or equal to 113 (IUPAC Technical Report), Pure Appl. Chem., 2011, Vol. 83, No. 7, S. 1485–1498 (DOI 10.1351/PAC-REP-10-05-01).
  5. iupac.org: „Element 114 is Named Flerovium and Element 116 is Named Livermorium“ (30. Mai 2012; afropen an’n 31. Mai 2012).
  6. Oganessian, Yu. Ts.; et al. (2006). "Synthesis of the isotopes of elements 118 and 116 in the 249Cf and 245Cm+48Ca fusion reactions". Physical Review C 74: 044602. DOI:10.1103/PhysRevC.74.044602.

Websteed[ännern | Bornkood ännern]

Livermorium. Mehr Biller, Videos oder Audiodateien to’t Thema gifft dat bi Wikimedia Commons.