Eerdalkalimetall

Vun Wikipedia
Wesseln na: Navigatschoon, Söök
Översicht över de Eerdalkalimetallen.

As Eerdalkalimetalle warrt de cheemsch Elementen ut de 2. Hööftgrupp von dat Periodensystem betekend, wat ok de 2. Grupp no de offizielle IUPAC-Indeelen is. De Naam is tosamensett ut de beiden Hööftgruppen de links un rechts blangen disse Grupp leegt. Links dorvon gifft dat de Alkalimetallen un rechts de Eerdmetallen, de ober kuum mehr so nöömt warrt. To de Eerdalkalimetallen höört Beryllium, Magnesium, Calcium, Strontium, Barium un dat radioaktiv Element Radium.

Physikalsch Eegenschoppen[ännern | Bornkood ännern]

De Eerdalkalimetallen hebbt mit tonehmend Atomtall (also vun baven no ünnen in’t Periodensystem) en jümmer gröttere Atommasse, Atomradius un Ionenradius. De lüttste Dicht hett dat Calcium mit 1550 kg/m³. No baven un no ünnen stiggt de Dicht an, de gröttste hett Radium mit 5550 kg/m³. Beryllium hett een Mohshard von 5,5 un liggt dormit in de Mitt, wat de Fastigkeit angeiht. De annern Eerdalkalimetallen sünd aver teemlich week.

De eersten dree Elementen sünd bannig gode Leider for elektrischen Stroom. De annern dree künnt den Stroom ok leiden, aver lang nich so goot as de eersten, un sünners Beryllium oder Calcium. De Elektronen sünd bi de Eerdalkalimetallen so verdeelt as bi dat Eddelgas mit de nächst lütteren Atomtall, man dat dor noch twee Elektronen op de nächst höögeren Schaal in dat S-Orbital dorto kommt.

Disse beiden Elektronen up de Butenschaal künnt licht afgeven warrn. De Oxidatschoonstostand is dorüm tweefach positiv.

Chemisch Verbinnen[ännern | Bornkood ännern]

As eenzig Eerdalkalimetall geiht Beryllium vör allem Kovalente Binnen in, man de annern kommt meist blots as 2+-Ionen vör.

De Eerdalkalimetallen (hier as Me betekend) hebbt eenige cheemsch Reakschonen:

  • Mit Halogenen warrt dorut Halogenide, wie in’t Bispeel dat Chlorid:
    Me + Cl2 → MeCl2

De Eerdalkalimetallen sünd bannig gau mit dat Verbinnen. Mit grötter warrnd Atomtall warrt se jümmers reaktiver. Beryllium oxideert twors an’ne Luft, warrt ünner de Oxidschicht aver denn passiv. Jüst so dat Magnesium, dat sik aver licht anböden lett. De annern loopt an’ne Luft licht an un künnt fien verdeelt sogor vun sülvst Füür fangen.

In Water reageert de höögeren Eerdalkalimetallen sogors teemlich dull. Dorüm is dat böös gefährlich, brennend Eerdalkalimetallen mit Water to löschen. Beryllium un Magnesium blievt an de Luft ok länger bestahn, de annern künnt aver blots in Paraffinöl oder Inertgas lagert warrn.

Löste Calcium- un Magnesium-Ionen maakt insbesünnere ok de Waterhard ut: Dat goot löslich Calciumhydrogencarbonat (Ca(HCO3)2) wannelt sik in hitt Water in Calciumcarbonat (CaCO3), wat nu wedder gor nich goot löslich ist un ok as Kalk oder as Ketelsteen bekannt is:
Ca(HCO3)2 → CaCO3 + CO2 ↑ + H2O
As dat Kohlendioxid (CO2) dorbi ganz afgeven warrt, kann dat nich wedder trüggreageern un sett sik af.

Vörkommen[ännern | Bornkood ännern]

De Eerdkrust besteiht to 4,16% ut Eerdalkalimetallen, de sik ungefähr so opdeelt:

  • 67% Calcium
  • 31% Magnesium
  • 1,4% Barium
  • 0,7% Strontium

Beryllium un Radium kommt blots in ganz lütte Spuren vör.

Eerdalkalimetallen kommt so goot as nie gediegen vör, as se jo so licht reageert. Dorüm sünd se meist as Silikat, Carbonat oder Sulfat bunnen.