Moscovium

Hööftartikel: Isotopen vun Moscovium
Iso	VN	t_½	VO	VE (MeV)	VP
²⁸⁷Mc	nee	68 ms	α	10,6	²⁸³Nh
²⁸⁸Mc	nee	170 ms	α	11,4	²⁸⁴Nh
²⁸⁹Mc	nee	320 ms	α	10,6	²⁸⁵Nh
²⁹⁰Mc	nee	23 ms	α	10,3	²⁸⁶Nh
²⁹¹Mc	nee	?	α	10,0	²⁸⁷Nh

Moscovium (fröher ok Ununpentium oder ok Eka-Wismut) is de Naam vun dat künstlich tüügte cheemsche Element mit de Atomtall 116 un dat Atomteken Mc. Dat Element tellt to de Transactinoiden.

Historie un Synthees

An’n 1. Februar 2004 is in en Publikatschoon in Physical Review C över de Synthees vun en Arbeitsgrupp vun russ’sche Wetenschopplers ut Dubna vun’t Vereenigte Institut för Karnforschen un US-amerikaansche Wetenschopplers vun’t Lawrence Livermore National Laboratory bericht worrn. Bi jemehr Experiment schüllt veer Atomen tostannen kamen un in Deelen vun en Sekunn wedder to Nihonium verfallen wesen.^[1]

In dat Johr 2006 is an’n 31. Januar punliek worrn, dat Swiezer Forschers mit en fienere Methood, dör Bescheeten vun en Schiev ut Americium mit Calcium-Atomen, föffteihn Moscovium-Atomen herstellt hebbt. De hebbt se an jemehr Verfallsprodukt Dubnium kennt. De Verfallsreeg slutt ok dat Nihonium mit in, wat op den Weg ok mit nawiest warrn jünn.^[2]

Forschers vun de Universität Lund hebbt an’n 27. August 2013 künnig doon, dat bi de GSI in Darmstadt ok dat Element 115 beobacht worrn is. Jüst as bi de Swiezers is ok dor Amaericium mit Calcium-Atomen beschoten worrn.^[3]^[4]

Naam

Na’t Opdecken hett dat Element toeerst den vörlöpigen Naam Ununpentium (Atomteken Uup) kregen, wat sik ut dat latiensche unus („een“) un dat ooltgreeksche pente („fief“) na sien Atomtall 115 tohopen sett. Bito weer ok de Beteken Eka-Wismut bruukt, vunwegen dat dat Element in’t Periodensystem ünner dat Wismut steiht.

An’n 30. Dezember 2015 is dat Opdecken vun dat Element offiziell vun de IUPAC acht worrn. De Arbeitsgrupp vun’t Joint Institute for Nuclear Research Dubna (JINR) in Dubna, vun’t Lawrence Livermore National Laboratory in Kalifornien un vun dat Oak Ridge National Laboratory in Tennessee, hett dat Recht tospraken kregen, en Naam to bestimmen.^[5] An’n 8. Juni 2016 is de Vörslag Moscovium (Mc) bekannt maakt worrn. Disse Naam weer vörher al deelwies för dat Element mit de Atomtall 118 Oganesson in Ümloop. De offizielle Naam is denn an’n 30. November 2016 bekannt geven worrn.^[6]

Borns

↑ Yu. Ts. Oganessian, V. K. Utyonkoy, Yu. V. Lobanov, F. Sh. Abdullin, A. N. Polyakov, I. V. Shirokovsky, Yu. S. Tsyganov, G. G. Gulbekian, S. L. Bogomolov, A. N. Mezentsev, S. Iliev, V. G. Subbotin, A. M. Sukhov, A. A. Voinov, G. V. Buklanov, K. Subotic, V. I. Zagrebaev, M. G. Itkis, J. B. Patin, K. J. Moody, J. F. Wild, M. A. Stoyer, N. J. Stoyer, D. A. Shaughnessy, J. M. Kenneally, R. W. Lougheed: Experiments on the synthesis of element 115 in the reaction ²⁴³Am(⁴⁸Ca,xn)^291–x115, in: Physical Review C, 69 (2), 2004 (Nett-Version), doi: 10.1103/PhysRevC.69.021601
↑ Zwei superschwere Elemente entdeckt. Medienbericht vun’t Paul Scherrer Institut, 31. Januar 2006.
↑ Dirk Rudolph, et al.: Spectroscopy of Element 115 Decay Chains, Phys. Rev. Lett., 2013, 111, 112502; doi:10.1103/PhysRevLett.111.112502.
↑ Existence of new element confirmed vun de Lund University vun’n 27. August 2013; afropen an’n 27. August 2013
↑ [https://iupac.org/discovery-and-assignment-of-elements-with-atomic-numbers-113-115-117-and-118/ Discovery and Assignment of Elements with Atomic Numbers 113, 115, 117 and 118}; afropen an’n 3. Januar 2016
↑ IUPAC Announces the Names of the Elements 113, 115, 117, and 118; afropen an’n 30. November 2016