Schosteen

Vun Wikipedia
Zur Navigation springen Zur Suche springen
En Schosteen op en Dack

Een Schosteen is de Rookaftoch ut een Wahnhuus oder een anner Gebüüd. De Rook kummt ut alle Aven, Heerden un Füürsteden un treckt dörch den Schosteen na boben ut’n Dack rut. Mehrstens sünn dat to’n lootrechten Toch muurte Anlogen. Wenn een lootrechten Toch nich to moken weer, wiel villicht de Schosteen in’n Fössen ut’n Dack kieken müss, denn keem een Knick in’n Schosteen un dat heet’n denn: een togen Toch. Wie hoch de Schosteenkopp ut’n Dack kiekt, is in’e Boornung fastschreben. Füürgefohr besteit jümmer bi een Schosteen, wenn de Sott, dat sünn Aflagerungen ut den Rook, öberhand nimmt. Doför koomt in faste Afstänn de Schosteenfeger, he heet dorüm ok Sottje, un feegt den Sott vun de Schosteenwannen af.

Weblenken[ännern | Bornkood ännern]

Commons-logo.svg Schosteen. Mehr Biller, Videos oder Audiodateien to’t Thema gifft dat bi Wikimedia Commons.