Loobk

Vun Wikipedia
Wapen/Flagg Koort
hett keen Wapen
Loobk
Laag vun Loobk in Düütschland
Basisdaten
Bundsland: Neddersassen
Landkreis: Horborg
Samtgemeen: Solzhusen
Gemeen: Solzhusen
Inwahners:
Postleettall: 21376
Vörwahl: 04172
Geograafsche Laag:
Koordinaten:53° 14′ N, 10° 12′ O
53° 14′ N, 10° 12′ O

Karte

Loobk (hoochdüütsch Lobke) is en lütten Oort in de Gemeen Solzhusen (Samtgemeen Solzhusen) in’n Landkreis Horborg, Neddersassen. De Oort höört polietsch al von öllers bi Solzhusen mit bi.

Geografie[ännern | Bornkood ännern]

De Oort liggt in de Lümbörger Heid an de Luh.

De Naveröörd sünd Sneed un Weddermööd in’n Noorden, Veerhöben in’n Noordoosten, Westergellsen in’n Oosten, Röndahl in’n Süüdoosten, Luhmöhlen in’n Süden un Solzhusen in’n Süüdwesten.

Historie[ännern | Bornkood ännern]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Garlstörp in’n Kanton Garlstörp höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Vaagdie Garlstörp in dat Amt Winsen tohöört. Blots in de Johren 1852 bet 1859 hett Loobk för en Tied to dat Amt Solzhusen höört. Na 1885 weer dat in’n Kreis Winsen un is 1932 Deel von’n Kreis Horborg worrn.

De Oort is an’n 1. Juli 1972 as Deel von de Gemeen Solzhusen mit de Gemeenreform in Neddersassen an de nu gröttere Gemeen Solzhusen kamen.

Inwahnertall[ännern | Bornkood ännern]

Johr Inwahners
1791-00-001791[1] 1 Füürsteed
1824-00-001824[2] 1 Füürsteed
1848-00-001848[3] 14 Lüüd, 1 Huus
1871-12-011. Dezember 1871[4] 8 Lüüd, 1 Huus

Religion[ännern | Bornkood ännern]

Loobk is evangeelsch-luthersch präägt un höört to dat Kaspel von de Johannis-Kark in Solzhusen.

För de Kathoolschen is de St.-Maria-Kark in Äästörp tostännig, de siet 1. November 2014 to de Karkengemeen St. Petrus in Bookholt tohöört.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Loobk is över en lüttjere Straat mit Solzhusen verbunnen. Dor gifft dat Ansluss an de Landsstraten L 234 un L 216. De L 234 löppt in’n Noorden na Gastää un denn na Winsen un in’n Süden över Puunsen na Amelkusen. De L 216 geiht in’n Westen na Garlstörp un Niendörp un in’n Oosten över Westergellsen, Karkgellsen un Reppenstää na Lümborg. En lüttjere Straat gifft dat ans noch, de över Sneed un Weddermööd na Veerhöben geiht.

De nächste Autobahn is de Autobahn 7 (Afsnidd HamborgHannover). De Opfohrt 40 Garlstörp liggt so negen Kilometer in’n Westen von Loobk an de L 216.

De nächste Bahnhoff is so bi 14 Kilometer wied weg in’n Noordoosten de Bahnhoff Radbrouk an de Bahnlien Hamborg–Hannover. Von 1906 bet 1970 hett dat in de Neegd in Solzhusen ok en Bahnhoff mit Personenverkehr geven. De weer dree Kilometer wied weg in’n Süüdwesten.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 145
  2. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 378
  3. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 104
  4. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 134