Veerhöben

Vun Wikipedia

Dit Woort hett noch annere Bedüden: kiek dorför ünner Veerhöben (Bremerhoben).

Wapen/Flagg Koort

Wapen vun Veerhöben

Veerhöben
Laag vun Veerhöben in Düütschland
Basisdaten
Bundsland: Neddersassen
Landkreis: Horborg
Samtgemeen: Solzhusen
Flach: 13,92 km²
Inwahners: 913 (31. Dezember 2022)
Hööchd: 28 m över de See
Postleettall: 21444
Vörwahl: 04172
Geograafsche Laag:
Koordinaten:53° 16′ N, 10° 13′ O
53° 16′ N, 10° 13′ O
Grenzen bi OSM: 335209 335209
Gemeenslötel: 03 3 53 037
Öörd in de Gemeen: 1
Börgermeester: Helmut Gehrke
Websteed: vierhoefen.salzhausen.de
Koort
Kreis
Karte
Gemeen KönigsmoorGemeen OtterGemeen WillGemeen TöstGemeen WistGemeen TöstGemeen HandörpGemeen UnnelGemeen DuhrnGemeen HeidenauGemeen DuhrnGemeen KakenstörpGemeen DreestGemeen WinzendörpGemeen HassbosselGemeen ResbosselGemeen MesborgGemeen HullnstGemeen AppelGemeen VosshusenGemeen RosengoornGemeen Bookholt (Landkreis Horborg)Gemeen ÄästörpGemeen HanstääGemeen JesborgGemeen Asendörp (Landkreis Horborg)Gemeen MarxenGemeen HarmstörpGemeen BendstörpGemeen BraackelGemeen SeevedaalLandkreis HorborgNeddersassenLandkreis RodenborgLandkreis HeidkreisLandkreis LümborgLandkreis StoodHamborgSleswig-HolsteenGemeen Gö’nstörpGemeen EyndörpGemeen VeerhöbenGemeen GarlstörpGemeen SolzhusenGemeen ToppenstääGemeen WulfsenGastääGemeen StellGemeen TespGemeen MeschachtGemeen DraagGemeen Winsen (Luh)
Laag von de Gemeen Veerhöben in’n Landkreis Horborg (Koort lett sik anklicken)

Veerhöben (hoochdüütsch Vierhöfen) is en Dörp un Gemeen in de Samtgemeen Solzhusen in’n Landkreis Horborg in Neddersassen mit 913 Inwahners (Stand 31. Dezember 2022).

Blangen Veerhöben sülvs höört to de Gemeen von öllers ok de lüttjen Öörd Sneed un We’ermööd mit to.

Geografie[ännern | Bornkood ännern]

Dat Dörp liggt in de Lümbörger Heid. Dat Water ut dat Rebeed flütt över de Norbeek na de Luh hen af. Dör den Westen von de Veerhöbener Feldmark flütt ok de Luh sülvs. De Oosten von de Feldmark warrt sien Water över lüttjere Beken na’n Huusbeek hen loos.

De Navergemenen sünd Radbrouk un op en lütt Enn Reppenstää in’n Noordoosten, Karkgellsen in’n Oosten, Westergellsen in’n Süüdoosten, Solzhusen in’n Süüdwesten un Gastää in’n Noordwesten.

Historie[ännern | Bornkood ännern]

Veerhöben kummt üm 1190 rüm as Wiberzingborstolde toeerst in de Oorkunnen vör. In de Tied von de Pest üm 1350 is dat Dörp aver wööst fullen. Later sünd dor aver wedder ne’e Hoffsteden grünnt worrn. Dat weren veer Stück un dorüm dükert later in de Oorkunnen de Naam Tho dem Veer Höben op.

In’n Eersten Weltkrieg sünd 12 Soldaten ut Veerhöben fullen oder vermisst un in’n Tweten Weltkrieg 16.[1]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Karkgellsen in’n Kanton Garlstörp höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1852 to de Amtsvaagdie Garlstörp in dat Amt Winsen tohöört un denn von 1852 bet 1859 to dat Amt Solzhusen. To de Tied hett ok de Eenhoff noch to de Gemeen totellt. As aver dat Amt Solzhusen 1859 oplööst worrn is, keem de Eenhoff an Karkgellsen in dat Amt Lüün. Veerhöben keem wedder an dat Amt Winsen. Ut dat amt winsen is 1885 de Kreis Winsen worrn, de 1932 Deel von’n Kreis Horborg worrn is.

Inwahnertall[ännern | Bornkood ännern]

bet 1939 blots dat Dörp Veerhöben, na 1939 de Gemeen Veerhöben
Johr Inwahners
1791-00-001791[2] 7 Füürsteden
1812-00-001812[3] 90
1824-00-001824[4] 7 Füürsteden
1848-00-001848[5] 109 Lüüd, 12 Hüüs
1871-12-011. Dezember 1871[6] 129 Lüüd, 16 Hüüs
1885-12-011. Dezember 1885[7] 145 Lüüd, 21 Hüüs
1905-12-011. Dezember 1905[8] 170 Lüüd, 26 Hüüs
1910-12-011. Dezember 1910[9] 281
1925-00-001925[10] 335
1933-00-001933[10] 317
1939-00-001939[10] 320
1972-12-3131. Dezember 1972[11] 621
1977-12-3131. Dezember 1977[11] 686
1982-12-3131. Dezember 1982[11] 754
1987-12-3131. Dezember 1987[11] 716
1992-12-3131. Dezember 1992[11] 816
1997-12-3131. Dezember 1997[11] 875
2002-12-3131. Dezember 2002[11] 885
2007-12-3131. Dezember 2007[11] 1.003
2012-12-3131. Dezember 2012[11] 971

Religion[ännern | Bornkood ännern]

Veerhöben is evangeelsch-luthersch präägt un höört to dat Kaspel von de Johannis-Kark in Solzhusen.

För de Kathoolschen is de St.-Maria-Kark in Äästörp tostännig, de siet 1. November 2014 to de Karkengemeen St. Petrus in Bookholt tohöört.

Kultur[ännern | Bornkood ännern]

In Veerhöben steiht en Denkmaal för de Fullenen ut de twee Weltkrieg’.

Politik[ännern | Bornkood ännern]

Gemeenraad[ännern | Bornkood ännern]

Gemeenraad
Johr \ Partei Tall CDU SPD Gröne
2011 11 6 4 1
2016 9 4 5
Liddmaten
  • 2011:
    CDU: Klaus-Peter Albers, Rüdiger Buschmann, Helmut Gehrke, Willi Helmke, Malte Twesten, Sören Wohler
    SPD: Eberhard Leopold, Andrea Schmidt, Matthias Schuh, Kurt Wenzel
    Gröne: Hilke Beer
  • 2016:
    CDU: Dirk Albers, Willi Helmke, Volker Kruse, Sören Wohler
    SPD: Eberhard Leopold, Uwe Meier, Andrea Schmidt, Matthias Schuh, Petra Wahle

Börgermeesters[ännern | Bornkood ännern]

Tied Naam Partei
1996–2016 Helmut Gehrke CDU
2016– Eberhard Leopold SPD

Wapen un Flagg[ännern | Bornkood ännern]

Dat Wapen von de Gemeen is in veer Feller deelt. Vörn baven is dat gollen, achtern baven rood, achtern ünnen gollen un vörn ünnen rood. Op de Feller leggt steiht en sülvern Lööw mit rode Tung.

Weertschop un Infrastruktur[ännern | Bornkood ännern]

Veerhöben hett en egene freewillige Füürwehr, de an’n 1. März 1938 grünnt worrn is.

Verkehr[ännern | Bornkood ännern]

Dör Veerhöben löppt de Kreisstraat 37, de in’n Noordwesten över Beborg un de Landsstraat 234 na Parrns an de L 215 ran geiht un in’n Süüdoosten na Westergellsen an de L 216. Lüttjere Straten gifft dat ans na Gastää un över Weddermööd un Sneed na Solzhusen.

De nächste Autobahn is de Autobahn 39 (Afsnidd HamborgLümborg). De Opfohrten 3 Winsen-West un 4 Winsen-Oost doot so twölv Kilometer in’n Noordwesten/Noorden von Veerhöben liggen. Aver ok de Opfohrt 13 Thieshoop op de A 1 (Afsnidd HamborgHannover) liggt blots 13 Kilometer in’n Noordoosten an de L 215.

De nächste Bahnhoff is so bi negen Kilometer wied weg in’n Noordoosten de Bahnhoff Radbrouk an de Bahnlien Hamborg–Hannover. Op de Bahnlien Winsen–Hützel hett dat von 1906 bet 1970 Personenverkehr geven. In disse Tied leeg de Bahnhoff Wulfsen söss Kilometer in’n Noordwesten.

Footnoten[ännern | Bornkood ännern]

  1. Onlineprojekt Gefallenendenkmäler
  2. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 235
  3. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 58
  4. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 620
  5. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 104
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 135
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 143
  8. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 186
  9. Inwahnertallen op gemeindeverzeichnis.de
  10. a b c Inwahnertallen op verwaltungsgeschichte.de
  11. a b c d e f g h i http://www.nls.niedersachsen.de/

Weblenken[ännern | Bornkood ännern]

Veerhöben. Mehr Biller, Videos oder Audiodateien to’t Thema gifft dat bi Wikimedia Commons.