Lüttmöhlen

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Lüttmöhlen
Laag vun Lüttmöhlen in Düütschland
Basisdaten
Bundsland: Neddersassen
Landkreis: Cuxhoben
Samtgemeen: Loomst
Gemeen: Loomst
Inwahners:
Postleettall: 21769
Vörwahl: 04773
Geograafsche Laag:
Koordinaten:53° 38′ N, 9° 7′ O
53° 38′ N, 9° 7′ O

Ole Watermöhl in Lüttmöhlen
Möhlendiek
Fackwarkhuus in Lüttmöhlen

Lüttmöhlen (hoochdüütsch Kleinmühlen) is en lütt Oort in de Gemeen Loomst. Dat liggt in’n Landkreis Cuxhoben in Neddersassen.

Geografie[ännern | Bornkood ännern]

Lüttmöhlen liggt an’n Rand von de Masch von de Oost.

In’n Oosten doot Lohmöhlen un Seth liggen, na Süüdoosten to Nindörpermoor. In’n Süüdwesten sünd Nindörp un Hollen. In’n Noordwesten liggt Loomst, na’n Noorden to op de anner Siet vun de L 116 Hockmöhlen un in’n Noordoosten Ihlbeek.

Historie[ännern | Bornkood ännern]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Loomst in’n Kanton Bremervöör höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

Vör 1859 weer Lüttmöhlen in de Vaagdie Loomst von dat Amt Bremervöör un denn von 1859 bet 1885 in dat Amt Oosten. 1885 is dat an’n Kreis Neehuus gahn un 1932 an’n Kreis Land Hadeln. 1977 is dat denn Deel von’n Landkreis Cuxhoben worrn.

En egen Gemeen weer de Oort nich, dat hett jümmer bi Nindörp bitellt. De Gemeen Nindörp is denn an’n 1. Juli 1972 mit de Gemeenreform in Neddersassen Deel von de Gemeen Loomst worrn.

Inwahners[ännern | Bornkood ännern]

Johr Inwahners
1791-00-001791[1] 1 Füürsteed
1824-00-001824[2] 1 Füürsteed
1848-00-001848[3] 8 Lüüd. 1 Huus
1871-12-011. Dezember 1871[4] 6 Lüüd. 1 Huus
1885-12-011. Dezember 1885[5] 25 Lüüd. 4 Hüüs
1905-12-011. Dezember 1905[6] 9 Lüüd. 1 Huus

Religion[ännern | Bornkood ännern]

Lüttmöhlen is evangeelsch-luthersch präägt un höört to dat Kaspel von de Bartelmees-Kark in Loomst.

För de Kathoolschen is de St.-Ansgar-Kark in Warstood tostännig, de siet 2010 Deel von de Karkengemeen Hillig Geist in Stood is.

Verkehr[ännern | Bornkood ännern]

Von Lüttmöhlen gifft dat lüttjere Straten na Seth, Nindörp un Loomst (mit Ansluss an de Bundsstraat 495). De nächste Bahnhoff is so bi teihn Kilometer weg de Bahnhoff Heckthusen (an de Nedderelvbahn Cuxhoben-Hamborg).

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 127
  2. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 334
  3. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 133
  4. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 148
  5. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 157
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 128

Weblenken[ännern | Bornkood ännern]

Commons-logo.svg Lüttmöhlen. Mehr Biller, Videos oder Audiodateien to’t Thema gifft dat bi Wikimedia Commons.