Jeersdörp
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | 1.385 (30. September 2009) | |
| Postleettall: | 27383 | |
| Vörwahl: | 04263 | |
| Geograafsche Laag: | Koordinaten:53° 10′ N, 9° 28′ O53° 10′ N, 9° 28′ O | |
|
| ||
Jeersdörp (hoochdüütsch Jeersdorf) is en Dörp in de Gemeen Scheeßl in’n Landkreis Rodenborg, Neddersassen. Binnen de Gemeen billt de Oort en egene polietsche Oortschop.
Geografie
[ännern | Bornkood ännern]De Oort liggt direkt an de Wümm. Op dat annere Över von de Wümm liggt denn Scheeßl.
De Naveröörd sünd Wenkeloh in’n Noorden, Helsch, Rehr un Griemshoop in’n Noordoosten, Scheeßl in’n Oosten, Veers in’n Süüdoosten, Veersbrügg, Badlsdörp un Wohlsdörp in’n Süden, Rodenborg in’n Süüdwesten, Westerholt in’n Westen un Hetzweeg un Westeresch in’n Noordwesten.
Historie
[ännern | Bornkood ännern]Jeersdörp kummt 1260 toeerst in en Oorkunn von de Bischöp von Veern vör.
In’n Eersten Weltkrieg sünd 19 Soldaten ut Jeersdörp fullen oder vermisst un in’n Tweten Weltkrieg 15.[1][2]
Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Rodenborg in’n Kanton Rodenborg höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to de Amtsvaagdie Scheeßl in dat Amt Rodenborg tohöört. Na 1885 weer dat in’n Kreis Rodenborg. 1977 is dat Deel von’n ne’en, grötteren Landkreis Rodenborg worrn.
De Oort hett fröher tohoop mit Hetzweeg, Olenhöven, Westeresch un Wittkopsbossel de Buurschop Westeresch billt, is aver in dat 19. Johrhunnert en egen Gemeen worrn, de denn an’n 1. März 1974 mit de Gemeenreform in Neddersassen Deel von de Gemeen Scheeßl worrn is. Sietdem billt Jeersdörp binnen de Gemeen en Oortschop mit egen Oortsraad un Oortsbörgermeester.
Inwahnertall
[ännern | Bornkood ännern]| Johr | Inwahners |
|---|---|
| 1791[3] | 10 Füürsteden |
| 1812[4] | 107 |
| 1824[5] | 22 Füürsteden |
| 1848[6] | 142 Lüüd, 25 Hüüs |
| 1. Dezember 1871[7] | 189 Lüüd, 37 Hüüs |
| 1. Dezember 1885[8] | 192 Lüüd, 39 Hüüs |
| 1. Dezember 1905[9] | 211 Lüüd, 37 Hüüs |
| 1. Dezember 1910[10] | 219 |
| 1925[11] | 253 |
| 1933[11] | 281 |
| 1939[11] | 309 |
Religion
[ännern | Bornkood ännern]Jeersdörp is evangeelsch-luthersch präägt un höört to dat Kaspel von de Lucas-Kark in Scheeßl.
För de Kathoolschen is de Corpus-Christi-Kark in Rodenborg tostännig.
Gemeenraad
[ännern | Bornkood ännern]| Johr \ Partei | Tall | CDU | SPD | WG |
|---|---|---|---|---|
| 2001 | 9 | 3 | 1 | 5 |
| 2006 | 9 | 6 | 1 | 2 |
| 2011 | 9 | 5 | 4 | |
| 2016 | 9 | 5 | 4 |
- Liddmaten
- 2011:
- SPD: Oxana Rudolf, Daniela Schindler, Detlef Steppat, Steffen Ulrichson, Jürgen Wahlers
- WG: Günter Gerken, Johann Gerken, Klaus-Dieter Gerken, Pia Schiemann
- 2016:
- SPD: Olaf Gay, Daniela Schindler, Detlef Steppat, Jürgen Wahlers, Ilka Wilken
- WG: Hans-Heinrich Ehlbeck, Günter Gerken, René Kahlbrecht, Martin Pape
Oortsbörgermeesters
[ännern | Bornkood ännern]| Tied | Naam | Partei |
|---|---|---|
| 1986–2006 | Detlef Steppat | |
| 2006–2011 | Walter Jungfer | CDU |
| 2011–19. Juni 2017 | Detlef Steppat | SPD |
Kultur
[ännern | Bornkood ännern]En Denkmaal för de Fullenen ut’n Eersten Weltkrieg steiht in Scheeßl bi dat Raadhuus un in de Kark in Scheeßl hängt Gedenktafeln för de Fullenen ut’n Tweten Weltkrieg.
Verenen
[ännern | Bornkood ännern]De Schüttenvereen Jeersdörp is an’n 14. Januar 1925 grünnt worrn un de Sportvereen Jeersdörp 1991.
Weertschop un Infrastruktur
[ännern | Bornkood ännern]Jeersdörp hett en egene freewillige Füürwehr, de 1947 grünnt worrn is. Vörher hett dat en Plichtfüürwehr geven, de opminnst siet 1902 bestahn hett.
Verkehr
[ännern | Bornkood ännern]Dör Jeersdörp löppt de Landsstraat 131, de in’n Noordwesten över Westeresch, Hetzweeg un Abbendörp na Elsdörp un Zeven geiht un in’n Süüdoosten na Scheeßl an de Bundsstraat 75. De B 75 föhrt von Scheeßl in’n Süüdwesten na Rodenborg un Otterbarg un in’n Noordoosten över Lauenbrüch na Töst un Bookholt. Dör Jeersdörp geiht ok de Kreisstraat 216, de von Scheeßl kummt un in’n Westen na Westerholt an de K 219 ran föhrt.
De nächste Autobahn is de Autobahn 1 (Afsnidd Hamborg–Bremen). De Opfohrt 48 Elsdörp liggt so twölv Kilometer in’n Noordwesten von Jeersdörp an de L 131.
De nächste Bahnhoff is so bi twee Kilometer wied weg in’n Süüdoosten de Bahnhoff Scheeßl an de Bahnlien Hamborg–Bremen.
Scholen
[ännern | Bornkood ännern]Dat Dörp hett en egen Kinnergoorn. De Schölers gaht na de Grundschool Scheeßl.
Footnoten
[ännern | Bornkood ännern]- ↑ Onlineprojekt Gefallenendenkmäler
- ↑ Onlineprojekt Gefallenendenkmäler
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 121
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 98
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 314
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 152
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 168
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 178
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 150
- ↑ Inwahnertallen op gemeindeverzeichnis.de
- ↑ a b c Inwahnertallen op verwaltungsgeschichte.de
Abbendörp-Hetzweeg | Badlsdörp | Jeersdörp | Oostervees | Scheeßl | Sootel | Westeresch | Westerholt | Westervees | Wittkopsbossel | Wohlsdörp
