Imbeek
| Wapen/Flagg | Koort | |
|---|---|---|
|
|
| |
| Basisdaten | ||
| ||
| Flach: | 5,33 km² | |
| Inwahners: | 1.061 (31. Dezember 2017) | |
| Inwahnerdicht: | 199,1 Inwahners pro km² | |
| Hööchd: | 37 m över NHN | |
| Postleettall: | 21614 | |
| Vörwahl: | 04161 | |
| Geograafsche Laag: | Koordinaten:53° 27′ N, 9° 44′ O53° 27′ N, 9° 44′ O | |
|
| ||
Imbeek (hoochdüütsch Immenbeck) is en Dörp in de Gemeen Buxthu in’n Landkreis Stood, Neddersassen.
Geografie[ännern | Bornkood ännern]
Imbeek liggt op de Geest (Stoder Geest). Na Noorden slütt sik Moor an, dat to dat Siedland von de Maschen von Oolland höört.
De Naveröörd sünd Rübk un Vosshusen in’n Noordoosten, Öbergünn un Ketzendörp in’n Oosten, Arsdörp un Ilsdörp in’n Süüdoosten, Grauen, de Rühmannshoff un Podendörp in’n Süden, Mesborg, Doans un Pippens in’n Süüdwesten, Ottens in’n Westen, Eindörp un Buxthu in’n Noordwesten.
Historie[ännern | Bornkood ännern]
De Oort kummt 1197 toeerst in de Oorkunnen vör.
Bi’n Russenbarg in de Feldmark von Imbeek gifft dat en Grafffeld ut de Sassentied.
Verwaltungsgeschicht[ännern | Bornkood ännern]
Imbeek leeg vör 1859 in de Huusvaagdie Mesborg von’t Amt Mesborg, denn bet 1885 in’t Amt Töst un weer na 1885 Deel von’n Kreis Horborg un von 1932 af an Landkreis Horborg. An’n 1. Juli 1972 keem Imbeek mit de Gemeenreform in Neddersassen to de Gemeen Buxthu un is gliektiedig von’n Landkreis Horborg an’n Landkreis Stood kamen.
Inwahnertall[ännern | Bornkood ännern]
| Johr | Inwahners |
|---|---|
| 1. Dezember 1871[1] | 262 Lüüd, 54 Hüüs |
| 1910[2] | 328 |
| 1925[3] | 313 |
| 1933[3] | 307 |
| 1939[3] | 312 |
| 31. Dezember 2006 | 1.039 |
Religion[ännern | Bornkood ännern]
Imbeek is evangeelsch-luthersch präägt un höört to dat Kaspel von de Nicolai-Kark in Ilsdörp.
För de Kathoolschen is de St.-Maria-Kark in Buxthu tostännig.
Weertschop un Infrastruktur[ännern | Bornkood ännern]
De Freewillige Füürwehr Imbeek is 1904 grünnt worrn.
Verkehr[ännern | Bornkood ännern]
Imbeek liggt an de Kreisstraat 73 un is dor över na Süden mit Mesborg verbunnen. Na Noorden löppt de K 73 an de Bundsstraat 73 ran, de na Buxthu un Öbergünn geiht. Lüttjere Straten gifft dat noch na Pippens un Eindörp.
2011 hett dat Dörp ne’e gele Oortsschiller kregen, op de nu ok de plattdüütsche Naam blangen den hoochdüütschen mit op steiht.
Scholen[ännern | Bornkood ännern]
Na Grundschool gaht de Kinner op de Grundschool Ooldklooster.
Ver- un Entsorgung[ännern | Bornkood ännern]
För dat Afwater is de Stadtentwässerung Buxthu tostännig.
Lüüd[ännern | Bornkood ännern]
De plattdüütsche Schriever Walter Marquardt kummt ut Imbeek.
Literatur[ännern | Bornkood ännern]
- Bernd Habermann: Immenbeck: ein sächsisches Gräberfeld bei Buxtehude, Ldkr. Stade. 2008
Footnoten[ännern | Bornkood ännern]
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 130: https://books.google.de/books?id=qTZDAQAAMAAJ&pg=RA2-PA130
- ↑ http://www.gemeindeverzeichnis.de/gem1900/gem1900.htm?hannover/harburg.htm
- ↑ a b c http://www.verwaltungsgeschichte.de/stade.html
Weblenken[ännern | Bornkood ännern]
Buxthu | Doans | Dammhusen | Eindörp | Heendörp | Imbeek | Neeklooster | Ottens | Öbergünn/Ketzendörp (mit de Dörper Öbergünn un Ketzendörp)