Grundschool Ooldklooster
De Grundschool Ooldklooster is en Grundschool in Ooldklooster in’n Landkreis Stood. Dreger is de Stadt Buxthu. De School liggt 200 Meter af von de Eest twüschen de Straten An’t Eekholt, Schoolstraat un Hauptstraat un hett de Adress An’t Eekholt 2.
De School harr in’t Schooljohr 2013/2014 üm un bi 450 Schölers un 25 Schoolmeesters. Dormit weer se de gröttste Grundschool in Buxthu un de föfftgröttste Grundschool in Neddersassen.
De Schölers von de School kaamt ut de Öörd Ooldklooster, Imbeek, Öbergünn, Ketzendörp, Eindörp, Heimbrook, Pippens un Doans. Den Schoolbusverkehr övernimmt de KVG Stood.
Na de Grundschool wesselt de Kinner je na Wahnoort na de Hauptscholen Noord un Süüd, de Realscholen Noord un Süüd, de Integreerte Gesamtschool Buxthu oder na de Gymnasiums Halepaghen-School un Gymnasium Süüd.[1]
Historie[ännern | Bornkood ännern]
De School is 1890 as Volksschool grünnt worrn.[1] In de Johren 1970 is ut de Volksschool en Grundschool worrn.[1]
En Schoolvereen is an’n 11. Februar 1975 grünnt worrn. De Schoolvereen haalt ünner annern Geld för Lehrmiddels in, bedrifft den Middagsdisch un organiseert de Betreuung namiddags. Anners as an annere Scholen warrt de Betreuungskräft för de Tied namiddags von’n Schoolvereen instellt un nich von’n Schooldreger.
1985 hett dat an de School de eerste Integratschoonsklass geven, in de behinnerte un nich behinnerte Schölers tohoop Ünnerricht hebbt.[1]
2001 is de School as een von de eersten in Neddersassen Verlässliche Grundschool worrn.[1] Mit dat Schooljohr 2005/2006 is de School Apene Ganzdagsschool worrn.
2015 is en ne’e Mensa för de School boot worrn, de an’n 17. September 2015 Richtfest harr un to Oostern 2016 in Bedriev geiht.[2]
Schoolbaas[ännern | Bornkood ännern]
- 2006–: Martina Mahler
- opstunns: Ulrich Mayntz
Footnoten[ännern | Bornkood ännern]
- ↑ a b c d e Schulprogramm Grundschule Altkloster
- ↑ Versprechen gehalten: Die Schule Altkloster hat Richtfest für die Mensa gefeiert, Wochenblatt an’n 18. September 2015
Weblenken[ännern | Bornkood ännern]
- Websteed von de School (hoochdüütsch)
Koordinaten:53° 28′ N, 9° 41′ O