Harmsbüttel
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27639 | |
| Vörwahl: | 04742 | |
| Geograafsche Laag: | Koordinaten:53° 41′ N, 8° 30′ O53° 41′ N, 8° 30′ O | |
|
| ||
Harmsbüttel (hoochdüütsch Harmsbüttel) is en Oort in de Gemeen Wuster Noordseeküst in’n Landkreis Cuxhoben, Neddersassen. De Oort höört polietsch von öllers bi Misselwarden mit bi.
Geografie
[ännern | Bornkood ännern]De Oort liggt in de Masch von Land Wusten. De Noordsee liggt knapp een Kilometer in’n Westen. Dat Water ut dat Rebeed flütt över Gravens af na de Misselwardener Waterlöös.
De Naveröörd sünd Fockwarden (Misselwardener Nedderstreek) in’n Noorden, Engbüttel in’n Noordoosten, Flohborg, Lütjendörp un Misselwarden in’n Süüdoosten, Feldhoff in’n Süden, Smarrn in’n Süüdwesten, Grohden in’n Westen un Solthörn un Bowarden (Misselwardener Nedderstreek) in’n Noordwesten.
Historie
[ännern | Bornkood ännern]Harmsbüttel dükert 1731 toeerst in de Oorkunnen op un is in de eerste Tied noch Harlingsbüttel nöömt worrn. Eerst later hett sik de afslepen Form Harmsbüttel dörsett, de nix mit den Vörnaam Harm to kriegen hett.
Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Wremen in’n Kanton Dorum höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort weer vör 1852 in dat Süderveerdel von dat Kaspel Misselwarden un hett to dat Vaagdiegericht Land Wusten tohöört. Von 1852 bet 1885 leeg de Oort in’t Amt Dorum un denn in’n Kreis Leh. 1932 is dat Deel von’n Kreis Wersermünn worrn un 1977 denn von’n Landkreis Cuxhoben.
Mit de Gemeenreform in Neddersassen an’n 1. März 1974 is de Gemeen Misselwarden Deel von de Samtgemeen Land Wusten worrn. To’n 1. Januar 2015 is de Gemeen Misselwarden oplööst un ut de ganze Samtgemeen Land Wusten is tohoop mit de Gemeen Noordholt de ne’e Gemeen Wuster Noordseeküst worrn.
Inwahnertall
[ännern | Bornkood ännern]| Johr | Inwahners |
|---|---|
| 1791[1] | 2 Füürsteden |
| 1812[2] | 6 |
| 1824[3] | 2 Füürsteden |
| 1. Dezember 1871[4] | 10 Lüüd, 1 Huus |
Religion
[ännern | Bornkood ännern]Harmsbüttel is evangeelsch-luthersch präägt un höört to dat Kaspel von de Katharinen-Kark in Misselwarden.
För de Kathoolschen is de Hillig-Hart-Jesu-Kark in Bremerhoben-Leh tostännig.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]Harmsbüttel liggt an en Blangenstraat von de Kreisstraat 68, de den Oort in’n Noordoosten an Padingbüddel anslütt un denn na Spiek geiht. In’n Süüdoosten geiht de K 68 na Misselwarden un bi Mulsen an de Landsstraat 129 ran. De L 129 wedder löppt in’n Süden över Wremen, Dingen un Weddewarden na Bremerhoben-Speckenbüttel un in’n Noordoosten na Mulsen, Dorum un Millm.
De nächste Autobahn is de Autobahn 27 (Afsnidd Bremerhoben–Cuxhoben). De Opfohrt 4 Niewohl liggt so 13 Kilometer in’n Oosten von Harmsbüttel an de L 119.
De nächste Bahnhoff is so bi söss Kilometer wied weg in’n Süüdoosten de Bahnhoff Wremen an de Bahnlien Bremerhoben–Cuxhoben.
Footnoten
[ännern | Bornkood ännern]- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 96
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 103
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 246
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 153
