Solthörn (Oort)

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Solthörn
Laag vun Solthörn in Düütschland
Basisdaten
Bundsland: Neddersassen
Landkreis: Cuxhoben
Gemeen: Wuster Noordseeküst
Inwahners:
Postleettall: 27632
Vörwahl: 04705
Geograafsche Laag:
Koordinaten:53° 41′ N, 8° 29′ O
53° 41′ N, 8° 29′ O

Solthörn (hoochdüütsch Solthörn) is en Oort in de Gemeen Wuster Noordseeküst in’n Landkreis Cuxhoben, Neddersassen. De Oort höört von öllers bi Misselwarden mit bi.

Geografie[ännern | Bornkood ännern]

Solthörn liggt direkt an de Küst von de Noordsee in de Masch von Land Wusten. Dat Water ut dat Rebeed flütt af över den Riensloot.

De Naveröörd sünd Misselwardener Olendiek, Fockwarden, Misselwardener Nedderstreek, Bowarden un Engbüttel in’n Noordoosten, Harmsbüttel un Höcht in’n Süüdoosten un Grohden un Smarrn in’n Süden.

Historie[ännern | Bornkood ännern]

Solthörn weer de westlichste Punkt in Land Wusten un de See hett dor – anners as wieder in’n Noorden, wo de See Sand un Slick aflagert hett – an de Küst freten.

As na de Stormflood von 1962 de Dieken an de Noordsee all höger boot worrn sünd, is 1967 ok de Diek in Land Wusten nee maakt worrn. Von wegen dat de Hüüs von Solthörn so dicht an’n olen Diek legen hebbt un dor nich noog Platz för den högeren un brederen ne’en Diek weer, müssen veer Gebüüd afreten warrn.[1] Blots twee Hööv sünd von Solthörn nableven un en Stück wieder af von’n Diek wedder opboot worrn.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Wremen in’n Kanton Dorum höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

Vör 1852 hett de Oort to dat Süderveerdel von dat Kaspel Misselwarden in dat Vaagdiegericht Land Wusten höört. 1852 is dat Deel von dat Amt Dorum worrn un 1885 von’n Kreis Leh. Von 1932 bet 1977 weer de Oort Deel von’n Landkreis Wersermünn un keem 1977 denn an’n Landkreis Cuxhoben.

Mit de Gemeenreform in Neddersassen an’n 1. März 1974 is de Gemeen Misselwarden Deel von de Samtgemeen Land Wusten worrn. To’n 1. Januar 2015 is de Gemeen Misselwarden oplööst un ut de ganze Samtgemeen Land Wusten is tohoop mit de Gemeen Noordholt de ne’e Gemeen Wuster Noordseeküst worrn.

Inwahnertall[ännern | Bornkood ännern]

Johr Inwahners
1791-00-001791[2] 5 Füürsteden
1812-00-001812[3] 34
1824-00-001824[4] 3 Füürsteden
1871-12-011. Dezember 1871[5] 20 Lüüd. 4 Hüüs

Religion[ännern | Bornkood ännern]

Solthörn is evangeelsch-luthersch präägt un höört to dat Kaspel von de Katharinen-Kark in Misselwarden. In de Vergangenheit hebbt enkelte Hüüs ok to dat Kaspel von de Willehadi-Kark in Wremen tohöört.

För de Kathoolschen is de Hillig-Hart-Jesu-Kark in Bremerhoben tostännig.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Solthörn is över lüttjere Straten verbunnen mit de Kreisstraat 68, de in’n Noordoosten op Padingbüddel to löppt un in’n Süüdoosten över Misselwarden an de Landsstraat 129 bi Mulsen ran. De L 129 geiht in’n Süden na Wremen, Dingen un Weddewarden un in’n Noordoosten na Dorum un Millm.

De nächste Autobahn is de Autobahn 27 (Afsnidd BremerhobenCuxhoben). De Opfohrt 4 Niewohl liggt so 16 Kilometer in’n Oosten von Solthörn an de L 119 un de Opfohrt 5 Debst so 16 Kilometer in’n Süüdoosten an de L 120.

De nächste Bahnhoff is so bi söss Kilometer wied weg in’n Süüdoosten de Bahnhoff Wremen an de Bahnlien Bremerhoben–Cuxhoben.

Footnoten[ännern | Bornkood ännern]

  1. Der Wremer Ortsteil Schmarren wurde dem Meer geopfert; Wremen un die Sturmfluten
  2. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 198
  3. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 103
  4. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 528
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 153