Bowarden
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27632 | |
| Vörwahl: | 04742 | |
| Geograafsche Laag: | Koordinaten:53° 41′ N, 8° 30′ O53° 41′ N, 8° 30′ O | |
|
| ||
Bowarden (hoochdüütsch Bowarden) is en Oort in de Gemeen Wuster Noordseeküst in’n Landkreis Cuxhoben, Neddersassen. De Oort is en Deel von’n Misselwardener Nedderstreek un höört polietsch von öllers bi Misselwarden mit bi.
Geografie
[ännern | Bornkood ännern]De Oort liggt in de Masch von Land Wusten. De Noordsee liggt knapp 600 Meter in’n Westen. Dat Water ut dat Rebeed flütt över Gravens af na de Padingbüddler Waterlöös.
De Naveröörd sünd de Misselwardener Olendiek in’n Noorden, Fockwarden in’n Noordoosten, Engbüttel in’n Oosten, Harmsbüttel in’n Süüdoosten, Höcht in’n Süden, Grohden un Smarrn in’n Süüdoosten un Solthörn in’n Westen.
Historie
[ännern | Bornkood ännern]Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Wreem in’n Kanton Dourm höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort weer vör 1852 in dat Süderveerdel von dat Kaspel Misselwarden un hett to dat Vaagdiegericht Land Wusten tohöört. Von 1852 bet 1885 leeg de Oort in’t Amt Dorum un denn in’n Kreis Leh. 1932 is dat Deel von’n Kreis Wersermünn worrn un 1977 denn von’n Landkreis Cuxhoben.
Mit de Gemeenreform in Neddersassen an’n 1. März 1974 is de Gemeen Misselwarden Deel von de Samtgemeen Land Wusten worrn. To’n 1. Januar 2015 is de Gemeen Misselwarden oplööst un ut de ganze Samtgemeen Land Wusten is tohoop mit de Gemeen Noordholt de ne’e Gemeen Wuster Noordseeküst worrn. Binnen de Gemeen höört Bowarden nu to de Oortschop Misselwarden.
Inwahnertall
[ännern | Bornkood ännern]| Johr | Inwahners |
|---|---|
| 1791[1] | 4 Füürsteden |
| 1812[2] | 31 |
| 1824[3] | 5 Füürsteden |
| 1. Dezember 1871[4] | 5 Lüüd, 1 Huus |
Religion
[ännern | Bornkood ännern]Bowarden is evangeelsch-luthersch präägt un höört to dat Kaspel von de Katharinen-Kark in Misselwarden.
För de Kathoolschen is de Hillig-Hart-Jesu-Kark in Bremerhoben-Leh tostännig.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]Bowarden is över lüttjere Straten verbunnen mit de Kreisstraat 68, de in’n Noordoosten an Padingbüddel un Spiek langs na Noordholt geiht un in’n Süüdoosten över Misselwarden an de Landsstraat 129 bi Mulsen ran. De L 129 löppt in’n Süden över Wreem, Dingen un Weddewarden na Bremerhoben-Speckenbüttel un in’n Noordoosten na Mulsen, Dourm un Millm.
De nächste Autobahn is de Autobahn 27 (Afsnidd Bremerhoben–Cuxhoben). De Opfohrt 4 Niewohl liggt so 14 Kilometer in’n Oosten von Bowarden an de L 119.
De nächsten Bahnhööv sünd an de Bahnlien Bremerhoben–Cuxhoben. Dat sünd so bi söven Kilometer wied weg in’n Süüdoosten de Bahnhoff Wreem un acht Kilometer wied weg in’n Oosten de Bahnhoff Dourm.
Footnoten
[ännern | Bornkood ännern]- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 18
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 103
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 42
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 153
