Grohden
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27638 | |
| Vörwahl: | 04705 | |
| Geograafsche Laag: | Koordinaten:53° 41′ N, 8° 29′ O53° 41′ N, 8° 29′ O | |
|
| ||
Grohden (hoochdüütsch Grohden) is en lütten Oort in de Gemeen Wuster Noordseeküst in’n Landkreis Cuxhoben, Neddersassen. De Oort höört polietsch von öllers bi Wreem mit bi.
Geografie
[ännern | Bornkood ännern]De Oort liggt in de Masch von Land Wusten glieks achter’n Diek von de Noordsee. Dat Water ut dat Rebeed flütt af över den Riensloot.
De Naveröörd sünd Solthörn in’n Noorden, Misselwardener Nedderstreek, Bowarden un Engbüttel in’n Noordoosten, Harmsbüttel un Höcht in’n Oosten, Feldhoff un Misselwarden in’n Süüdoosten un Smarrn in’n Süden.
Historie
[ännern | Bornkood ännern]Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Wreem in’n Kanton Dourm höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort weer vör 1852 in dat Üterveerdel von dat Kaspel Wreem un hett to dat Vaagdiegericht Land Wusten tohöört. Von 1852 bet 1885 leeg de Oort in’t Amt Dorum un denn in’n Kreis Leh. 1932 is dat Deel von’n Kreis Wersermünn worrn un 1977 denn von’n Landkreis Cuxhoben.
Mit de Gemeenreform in Neddersassen an’n 1. März 1974 is de Gemeen Wreem Deel von de Samtgemeen Land Wusten worrn. To’n 1. Januar 2015 is de Gemeen oplööst un ut de ganze Samtgemeen Land Wusten is tohoop mit de Gemeen Noordholt de ne’e Gemeen Wuster Noordseeküst worrn.
Inwahnertall
[ännern | Bornkood ännern]| Johr | Inwahners |
|---|---|
| 1. Dezember 1871[1] | 13 Lüüd, 3 Hüüs |
Religion
[ännern | Bornkood ännern]Grohden is evangeelsch-luthersch präägt un höört to dat Kaspel von de Willehadi-Kark in Wreem.
För de Kathoolschen is de Hillig-Hart-Jesu-Kark in Bremerhoben-Leh tostännig.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]Grohden is över lüttjere Straten verbunnen mit de Kreisstraat 68, de in’n Noordoosten op Padingbüddel to löppt un in’n Süüdoosten över Misselwarden an de Landsstraat 129 bi Mulsen ran. De L 129 geiht in’n Süden na Wreem, Dingen un Weddewarden un in’n Noordoosten na Dourm un Millm.
De nächste Autobahn is de Autobahn 27 (Afsnidd Bremerhoben–Cuxhoben). De Opfohrt 5 Debst liggt so 15 Kilometer in’n Süüdoosten von Grohden an de L 120 un de Opfohrt 4 Niewohl 15 Kilometer in’n Oosten an de L 119.
De nächste Bahnhoff is so bi fiev Kilometer wied weg in’n Süüdoosten de Bahnhoff Wreem an de Bahnlien Bremerhoben–Cuxhoben.
Footnoten
[ännern | Bornkood ännern]- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 154
