Misselwardener Waterlöös

De Misselwardener Waterlöös is en Waterloop in Land Wusten (Landkreis Cuxhoben).

De Waterlöös fangt an’n Wallsgroov an, dicht bi de Steed, an de de ole Sieverner Beek in’n Wallsgroov münnt. De Waterlöös löppt von dor eerst na Westen un denn na Noordwesten. Dicht bi liggt ok Feddersen Wierde. Se geiht bi Twendamm twüschen Wremen un Mulsen dör un geiht denn bi Misselwarden un Veerhusen vörbi. Toletzt geiht dat an Engbüttel langs. Bi Engbüttel is de Misselwardener Waterlöös mit de Padingbütteler Waterlöös verbunnen. un denn münnt de Waterlöös in’n Riensloot. De Riensloot wedder is över Wremer Waterlöös un Dorumer Waterlöös mit de Werser verbunnen.