Corozal (Belize)

Vun Wikipedia
(wiederwiest vun Corozal Town)
Zur Navigation springen Zur Suche springen
Wapen/Flagg Koort
hett keen Wapen
Corozal
Laag vun Corozal in Belize
Basisdaten
Distrikt: Corozal
Inwahners: 12.652 (2018-00-002018)
Geograafsche Laag:
Koordinaten:18° 23′ N, 88° 23′ W
18° 23′ N, 88° 23′ W

Blick över de Stadt
Platz in dat Zentrum von Corozal
Straat in Corozal

Corozal is en Lüttstadt (Town) in’n Distrikt Corozal von dat Land Belize un ok de Hööftstadt von’n Distrikt.

De Öörd Altamira, San Andres, San Antonio un Paraiso sünd egenstännige Gemenen, aver vondaag mit Corozal tohoopwussen.

Geografie[ännern | Bornkood ännern]

De Stadt liggt an de Bucht von Corozal, de wedder Deel von de Bucht von Chetumal un de Karibische See is. In’n Noorden von’n Oort liggt de Four Mile Lagoon un in’n Süden de Ranchito Lagoon. De See vör Corozal is as Corozal Bay Wildlife Sanctuary schuult.

Acht Kilometer in’n Noorden liggt de Grenz na Mexiko.

De Naveröörd sünd Subteniente López, Santa Elena un Paraiso in’n Noorden, Altamira, Chetumal un Consejo in’n Noordoosten, Copper Bank in’n Süüdoosten, Ranchito, Carolina un Xaibe in’n Süüdwesten, San Andres un Patchacan in’n Westen un San Antonio un Chan Chen in’n Noordwesten.

Historie[ännern | Bornkood ännern]

Corozal 1955 na Hurrikan Janet

De öllsten Bewahners von dat Rebeed weren de Maya. De Maya-Ruinen von Santa Rita doot in dat Stadtrebeed liggen un de Ruinen von Cerros güntsied op dat annere Över von de Bucht von Corozal.

Vör allen dör Flüchtlinge vör’n mexikaanschen Kastenkrieg is de Inwahenrtall in de Midd von dat 19. Johrhunnert gau wussen. Üm sik gegen Angreep ut Mexiko to verdeffenderen, is 1870 Fort Barlee in Corozal anleggt worrn.

An’n 27. September 1955 is de Stadt von Hurrikan Janet swoor drapen worrn. Dorbi sünd 90 % von de Gebüüd tweigahn un 16 Lüüd doodbleven.

Börgermeesters[ännern | Bornkood ännern]

  • 1955–1966: Santiago Ricalde (PUP)
  • 1966–: Gabriel Hoare (PUP)
  • in de Johren 1970: Israel Alpuche (UDP)
  • 1981–: Daisy Olga Marin
  • in de Johren 1980: Richard Quan
  • –1991: Paulino Montalvo (UDP)
  • 1991–1993: Mario Ignacio Narvaez (PUP)
  • 1997–1999: Cornelio Acosta (PUP)
  • 2000–2006: Mario Ignacio Narvaez (PUP)
  • 2006–2018: Hilberto Campos (UDP)
  • 2018–: Rigoberto Vellos (PUP)

Inwahnertall[ännern | Bornkood ännern]

Johr Inwahners
1970-00-001970[1] 4.724
1980-00-001980[1] 6.899
1991-00-001991[1] 7.062
2000-00-002000[1] 7.888
2010-00-002010[2] 10.323
2018-00-002018[3] 12.652

De Inwahners weren bi’n Zensus 2000 to 68 % Mestizen, to 17 % Kreolen un to 7 % Inders. De Rest hett sik op de verscheden annern Volksgruppen von Belize opdeelt.[2]

Weertschop un Infrastruktur[ännern | Bornkood ännern]

För de Gesundheitsversorgung is dat Corozal Community Hospital dor.

Verkehr[ännern | Bornkood ännern]

De Oort liggt an’n Philip Goldson Highway, de in’n Noorden in Santa Elena över de Grenz to Mexiko un na Chetumal löppt un in’n Süden över verscheden Dörper na Orange Walk un Belize-Stadt.

De Corozal Airport liggt in’n Süden von de Stadt.

Scholen[ännern | Bornkood ännern]

De Oort hett verscheden Grundscholen, ünner annern de Corozal Methodist School un de St. Francis Xavier R.C. School. Tosätzlich gifft dat dat Corozal Junior College.

Footnoten[ännern | Bornkood ännern]

  1. a b c d Zensus 2000 (PDF) von dat Central Statistical Office of Belize
  2. a b Zensus 2010 (PDF) von dat Statistical Institute of Belize
  3. http://citypopulation.de/Belize_d.html

Weblenken[ännern | Bornkood ännern]

Commons-logo.svg Corozal (Belize). Mehr Biller, Videos oder Audiodateien to’t Thema gifft dat bi Wikimedia Commons.