Corozal Community College
Dat Corozal Community College (CCC) is en Sekundärschool (Community College) in’n Vöroort San Andres von de Stadt Corozal, Belize. Se liggt twüschen San Antonio Road un College Road. De School hett en Grött von üm un bi 40 Schoolmeesters un över 600 Schölers.
Historie
[ännern | Bornkood ännern]De School is 1978 grünnt worrn, as dat Fletcher College un dat St Francis Xavier College tohoopleggt worrn sünd.
Dat kathoolsche St Francis Xavier College is 1959 grünnt worrn un dat methodistische Fletcher College 1967. Dat ne’e Community College schull en ökumeensche School (kathoolsch, methodistisch, anglikaansch) ween.
To dat Corozal Community College höört ok dat Corozal Junior College (CJC) mit bi, dat in’n September 1986 ünner Leid von Rosendo Urbina grünnt worrn is (mit to de Tied 48 Schölers).[1] De eersten Schölers hebbt op dat CJC in’n Mai 1988 afslaten.[1] Toeerst weer de School in dat Gebüüd ünnerbröcht, dat nu Jose Mai Building nöömt warrt. An’n 31. August 1988 is en neet Gebüüd för de Oberstufe (Sixth form) von de School inwieht worrn.[1] 2003 hett dat CCC en neet Gebüüd mit Computerrüüm un söss ne’e Klassenrüüm boot.[2] Dat CJC hett nochmaal so veel Schölers as dat CCC.
Rekters
[ännern | Bornkood ännern]- 1986–1997: Carlos Castillo[1]
- üm 2003: Endevora Jorgenson[2]
Footnoten
[ännern | Bornkood ännern]
- ↑ a b c d About Us, Corozal Junior College
- ↑ a b Corozal Community College goes large, Channel 5 Belize an’n 15. September 2003
Weblenken
[ännern | Bornkood ännern]- Websteed von dat CCC (engelsch)
- Websteed von dat CJC (engelsch)
Koordinaten:18° 24′ N, 88° 24′ W