Bülkau
| Wapen/Flagg | Koort | |
|---|---|---|
|
|
| |
| Basisdaten | ||
| Inwahners: | ||
| Postleettall: | 21782 | |
| Vörwahl: | 04754 | |
| Geograafsche Laag: | Koordinaten:53° 45′ N, 8° 59′ O53° 45′ N, 8° 59′ O | |
|
| ||
Bülkau (hoochdüütsch Bülkau) is en Dörp in de Gemeen Bülkau (Samtgemeen Land Hadeln) in’n Landkreis Cuxhoben, Neddersassen.
To dat Kaspel un de polietsche Gemeen Bülkau höört von öllers ok de Öörd Au, Boomoor, Landmark, Lüchtenpils un Spreng, Delen von de Öörd Austood, Bullenwinkel un Moorwettern un de Hööv Gehren un an’n Driftacker to.
Bülkau sülvs warrt groff indeelt in dat Noorderenn, dat Dörp un dat Süderenn.
Geografie
[ännern | Bornkood ännern]
Bülkau liggt as acht Kilometer lang Stratendörp in de Masch von de Au, de so bi een Kilometer in’n Oosten von’n Oort langsflütt. An de Dörpstraat direkt langs löppt de Dörpwettern, de ehr Water ok na de Au afföhrt. In’n Westen löppt de Haadler Kanaal langs.
De Naveröörd sünd Spreng un Kedenbrook in’n Noorden, Diekslipp, Austood un Neehuus in’n Noordoosten, Au, Moorwettern un Kumbarg in’n Oosten, Oppeln in’n Süüdoosten, Oppler Geest un Boomoor in’n Süden, Lüchtenpils un Goddshem in’n Süüdwesten, Mislag, Helmworth, Siedendeel, Landmark un Ophusen in’n Westen un Oosterbrook in’n Noordwesten.
Historie
[ännern | Bornkood ännern]Bülkau kummt an’n 13. März 1352 toeerst in de Oorkunnen vör.
In’n Eersten Weltkrieg sünd 58 Soldaten ut Bülkau fullen oder vermisst un in’n Tweten Weltkrieg 87.[1]
Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Bülkau in’n Kanton Neehuus höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to dat Amt Neehuus tohöört. Na 1885 weer dat in’n Kreis Neehuus. 1932 is dat Deel von’n Kreis Land Hadeln worrn un 1977 von’n Landkreis Cuxhoben.
Inwahnertall
[ännern | Bornkood ännern]| Johr | Inwahners |
|---|---|
| 1812[2] | 1.389 |
| 1824[3] | 257 Füürsteden |
| 1848[4] | 430 Lüüd, 70 Hüüs |
| 1. Dezember 1871[5] | 848 Lüüd, 161 Hüüs |
| 1. Dezember 1910[6] | 1.433 |
| 1925[7] | 1.384 |
| 1933[7] | 1.232 |
| 1939[7] | 1.205 |
Religion
[ännern | Bornkood ännern]
Bülkau is evangeelsch-luthersch präägt un billt mit de Johannis-Kark en egen Kaspel. In de Kark gifft dat en Örgel von Arp Snitger.
För de Kathoolschen is de Hillig-Krüüz-Kark in Oterndörp tostännig.
Wapen
[ännern | Bornkood ännern]Dat Wapen von Bülkau wiest vörn dat Wapen von Sassen-Loonborg (negen maal deelt von Swart un Gold mit en schragen, grönen, bagen Rutenkranz) un achtern in Sülver op roden Grund halv deelt den Bremer Slötel.
Kultur
[ännern | Bornkood ännern]
In Bülkau steiht en Denkmaal för de Fullenen ut de twee Weltkrieg’.
Verenen
[ännern | Bornkood ännern]Bülkau hett en Schüttenvereen, de 1688 grünnt worrn is. Dat Schüttenfest warrt an dat drüdde Wekenenn in’n Juni fiert. De Riedvereen is an’n 9. November 1946 grünnt worrn.
Weertschop un Infrastruktur
[ännern | Bornkood ännern]
De freewillige Füürwehr Bülkau is an’n 18. November 1935 grünnt worrn, nadem Boomoor al 1932 en freewillige Füürwehr grünnt harr. Dorüm weer de Füürwehr in Bülkau de Löschtog II. Aver ok vörher hett dat in Bülkau al en Plichtfüürwehr geven.
De Werser-Elv-Spoorkass hett en Filial in Bülkau.
In Bülkau leevt de Peertüchter Friedrich Butt. Von Butt sien Hoff stammt ünner annern de Hannoveraners Butts Leon un Butts Abraxxas. Ingrid Klimke hett 2008 un 2012 op Butts Abraxxas bi Olympia Gold wunnen un Andreas Dibowski 2008 op Butts Leon.
Verkehr
[ännern | Bornkood ännern]Dör Bülkau löppt de Landsstraat 144, de in’n Noordoosten över Kedenbrook na Neehuus an de Bundsstraat 73 ran geiht un in’n Süüdwesten över Goddshem na Steenau. In’n Noordwesten geiht de Kreisstraat 16 na Oosterbrook un Oterndörp un in’n Oosten de K 21 na Tollboom un von dor wieder na Loomst un över de K 22 in’n Noordoosten na Kumbarg. Ans gifft dat lüttjere Straten na Ophusen un Siedendeel in’n Westen, na Oppeln in’n Süüdoosten un na Austood in’n Noordoosten.
De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 1 Cuxhoben liggt so 22 Kilometer in’n Noordwesten von Bülkau.
De nächste Bahnhoff is so bi acht Kilometer wied weg in’n Noordoosten de Bahnhoff Kumbarg an de Nedderelvbahn.
Scholen
[ännern | Bornkood ännern]De eerste School in Bülkau-Dörp kummt 1588 in de Oorkunnen vör. Dat letzte Schoolhuus is 1957 boot worrn. Dat is bet in de Johren 1980 bruukt worrn, as dat in en Turnhall ümboot worrn is. Dat Noorderenn harr bet in de Johren 1960 noch en egen Volksschool.
Vondaag gaht de Kinner an de Grundschool Neehuus un later denn an de Oberschool Kumbarg oder an dat Gymnasium Oterndörp. De nächste Förderschool is de Wittmackschool in Oterndörp.
Lüüd
[ännern | Bornkood ännern]De Politiker Heinrich Meyer is 1878 in Bülkau boren un Manfred Zöllmer 1950. De plattdüütsche Schriever Peter Kämpfert is dor 1957 boren.
Footnoten
[ännern | Bornkood ännern]- ↑ http://www.denkmalprojekt.org/dkm_deutschland/buelkau_ns.htm
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 66: http://books.google.de/books?id=Q 5OAAAAcAAJ&pg=PA66
- ↑ C. H. Jansen: Statistisches Handbuch des Königreichs Hannover. 1824, Sied 98: http://books.google.de/books?id=tG0AAAAAcAAJ&pg=RA1-PA98
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 136: http://books.google.de/books?id=eOI-AAAAcAAJ&pg=PA136
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 146: https://books.google.de/books?id=qTZDAQAAMAAJ&pg=RA2-PA146
- ↑ http://www.gemeindeverzeichnis.de/gem1900/gem1900.htm?hannover/neuhaus.htm
- ↑ a b c http://www.verwaltungsgeschichte.de/hadeln.html