Spreng (Gemeen Bülkau)

Vun Wikipedia
Wapen/Flagg Koort
hett keen Wapen
Spreng
Laag vun Spreng in Düütschland
Basisdaten
Bundsland: Neddersassen
Landkreis: Cuxhoben
Samtgemeen: Land Hadeln
Gemeen: Bülkau
Inwahners:
Postleettall: 21782
Vörwahl: 04754
Geograafsche Laag:
Koordinaten:53° 46′ N, 8° 59′ O
53° 46′ N, 8° 59′ O

Karte

Luftbild von dat Noorderenn von Bülkau von Noorden ut keken, de Spreng is ganz ünnen an’n Rand von dat Bild

De Spreng (hoochdüütsch Sprenge) is en lütten Oort in de Gemeen Bülkau (Samtgemeen Land Hadeln) in’n Landkreis Cuxhoben, Neddersassen. De Oort höört polietsch al von öllers bi Bülkau mit bi.

Geografie[ännern | Bornkood ännern]

De Spreng liggt in de Masch von de Au. In’n Westen löppt de Haadler Kanaal langs.

De Naveröörd sünd Kedenbrook in’n Noorden, Diekslipp un Austood in’n Noordoosten, Au un Westercaadwisch in’n Oosten, dat Noorderenn von Bülkau in’n Süden, Ophusen in’n Süüdwesten un Oosterbrook in’n Westen.

Historie[ännern | Bornkood ännern]

Verwaltungsgeschicht[ännern | Bornkood ännern]

De Oort hett vör 1885 to dat Amt Neehuus tohöört. Na 1885 weer dat in’n Kreis Neehuus. 1932 is dat Deel von’n Kreis Land Hadeln worrn un 1977 von’n Landkreis Cuxhoben.

Inwahnertall[ännern | Bornkood ännern]

Johr Inwahners
1793-00-001793[1] 11 Füürsteden
1824-00-001824[2] 11 Füürsteden
1848-00-001848[3] 33 Lüüd, 5 Hüüs
1871-12-011. Dezember 1871[4] 37 Lüüd, 5 Hüüs

Religion[ännern | Bornkood ännern]

De Spreng is evangeelsch-luthersch präägt un höört to dat Kaspel von de Johannis-Kark in Bülkau.

För de Kathoolschen is de Hillig-Krüüz-Kark in Oterndörp tostännig.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Dör de Spreng löppt de Landsstraat 144, de in’n Noordoosten över Kedenbrook na Neehuus an de Bundsstraat 73 ran geiht un in’n Süden över Bülkau un Goddshem na Steenau. In’n Oosten geiht en lüttjere Straat över Au un Westercaadwisch na Kumbarg un in’n Westen de Kreisstraat 16 över Oosterbrook na Oterndörp.

De nächste Autobahn is de Autobahn 27 (Afsnidd CuxhobenBremerhoben). De Opfohrt 1 Cuxhoben liggt so 20 Kilometer in’n Noordwesten von’e Spreng.

De nächste Bahnhoff is so bi söss Kilometer wied weg in’n Oosten de Bahnhoff Kumbarg an de Nedderelvbahn. Bet 1991 harr noch de Bahnhoff Neehuus apen, de blots veer Kilometer weg weer.

Footnoten[ännern | Bornkood ännern]

  1. Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 215: https://books.google.de/books?id=jN5QAAAAcAAJ&pg=PA215
  2. C. H. Jansen: Statistisches Handbuch des Königreichs Hannover. 1824, Sied 570: http://books.google.de/books?id=tG0AAAAAcAAJ&pg=PA570
  3. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 136: http://books.google.de/books?id=eOI-AAAAcAAJ&pg=PA136
  4. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 146: https://books.google.de/books?id=qTZDAQAAMAAJ&pg=RA2-PA146