Bullenholt

Vun Wikipedia
(wiederwiest vun Bullenholz)
Wapen/Flagg Koort
hett keen Wapen
Bullenholt
Laag vun Bullenholt in Düütschland
Basisdaten
Bundsland: Neddersassen
Landkreis: Stood
Samtgemeen: Freenbeek
Gemeen: Kutenhult
Inwahners:
Postleettall: 27449
Vörwahl: 04762
Geograafsche Laag:
Koordinaten:53° 30′ N, 9° 19′ O
53° 30′ N, 9° 19′ O

Karte

Luftbild von Bullenholt von Oosten keken (2013)

Bullenholt (hoochdüütsch Bullenholz) is en lütten Oort in de Gemeen Kutenhult (Samtgemeen Freenbeek) in’n Landkreis Stood, Neddersassen. De Oort höört polietsch al von öllers bi Kutenhult mit bi.

Geografie[ännern | Bornkood ännern]

De Oort liggt op de Stoder Geest. In’n Oosten von Bullenholt liggt de Born von de Otter.

De Naveröörd sünd Bokel un Dinghoorn in’n Noordoosten, Wehl in’n Oosten, Kutenhult in’n Süden, Eßel in’n Westen un Mulsen in’n Noordwesten.

Historie[ännern | Bornkood ännern]

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Kutenhult in’n Kanton Harsfeld höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Ohlers in’n Kanton Hornborg.

Vör 1852 weer de Oort in de Böörd Mulsen binnen dat Amt Harsfeld. De Böörd Mulsen is 1852 in dat Amt Stood wesselt, dat 1859 Deel von dat Amt Himmelpoorten worrn is. Na 1885 weer dat in’n Kreis Stood. 1932 is dat Deel von’n ne’en, grötteren Kreis Stood worrn.

De Oort höört von öllers bi de Gemeen Kutenhult mit bi. De Gemeen Kutenhult is mit de Gemeenreform in Neddersassen an’n 1. Juli 1972 mit de Gemenen Aasp, Eßel un Mulsen to de Gemeen Kutenhult tohoopleggt worrn.

Inwahnertall[ännern | Bornkood ännern]

Johr Inwahners
1791-00-001791[1] 1 Füürsteed
1824-00-001824[2] 1 Füürsteed
1871-12-011. Dezember 1871[3] 29 Lüüd, 4 Hüüs
1885-12-011. Dezember 1885[4] 19 Lüüd, 4 Hüüs
1905-12-011. Dezember 1905[5] 23 Lüüd, 4 Hüüs

Religion[ännern | Bornkood ännern]

Bullenholt is evangeelsch-luthersch präägt un höört to dat Kaspel von de Petrus-Kark in Mulsen.

För de Kathoolschen is de Hillig-Geist-Kark in Stood tostännig. Von 1968 bet 2003 weer de Lukas-Kark in Freenbeek för Bullenholt tostännig.

Weertschop un Infrastruktur[ännern | Bornkood ännern]

Bi Bullenholt liggt en grote Sandkuhl.

För Bullenholt is de Freewillige Füürwehr Kutenhult mit tostännig.

Verkehr[ännern | Bornkood ännern]

An Bullenholt langs löppt de Landsstraat 123, de in’n Westen över Eßel un Heesdörp na Bremervöör an de Bundsstraat 71 ran geiht un in’n Oosten över Kutenhult Aasp un Bargst na Hornborg an de Bundsstraat 73. Von de L 123 geiht na Noorden de Kreisstraat 2 af över Mulsen an de Bundsstraat 74 un na Noordoosten de K 70 na Freenbeek.

De nächste Autobahn is de Autobahn 26 (Afsnidd StoodHamborg). De Opfohrt 3 Stood-Oost liggt so 20 Kilometer in’n Noordoosten von Bullenholt.

De nächste Bahnhoff is so bi dree Kilometer wied weg in’n Süden de Bahnhoff Kutenhult an de Bahnlien Bremerhoben–Buxthu.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 42
  2. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 102
  3. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 143
  4. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 152
  5. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 160

Weblenken[ännern | Bornkood ännern]

Bullenholt. Mehr Biller, Videos oder Audiodateien to’t Thema gifft dat bi Wikimedia Commons.