Biloh
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27711 | |
| Vörwahl: | 04793 | |
| Geograafsche Laag: | Koordinaten:53° 19′ N, 8° 46′ O53° 19′ N, 8° 46′ O | |
|
| ||
Biloh (hoochdüütsch Bilohe) is en lütten Oort in de Gemeen Oosterholt-Scharmbeek in’n Landkreis Oosterholt, Neddersassen. De Oort höört binnen de Gemeen to de polietsche Oortschop Ohlenst.
Geografie
[ännern | Bornkood ännern]De Oort liggt op de Oosterholter Geest. Dat Water ut dat Rebeed flütt över Gravens na’n Giehler Beek hen af.
De Naveröörd sünd Bremerhorn, Ax un Wohlthöben in’n Noorden, Lübbs un Bullwinkel in’n Noordoosten, Schrum un Hambargen in’n Oosten, Kiebitzsegen un Olenbüttel in’n Süüdoosten, Ohlenst, Assbarg un Haslah in’n Süüdwesten, Hoop un Büggeln in’n Westen un Albst un Harndorp in’n Noordwesten.
Historie
[ännern | Bornkood ännern]In’t Holt in’n Noorden von Biloh weer von 1936 bet 1945 de Muna Lübbs ünnerbrocht. To de Muna hett von 1944 bet 1945 ok en Butenlager von dat KZ Neengamm tohöört, dat den Naam Biloh dragen hett.
Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Hambargen in’n Kanton Oosterholt höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to de Vaagdie Scharmbeek in dat Amt Oosterholt tohöört. Na 1885 weer dat in’n Kreis Oosterholt. 1932 is dat Deel von’n ne’en gröttern Kreis Oosterholt worrn.
De Oort Biloh hett al jümmer to de Gemeen Ohlenst mit bihöört. De Gemeen Ohlenst is an’n 1. März 1974 Deel von de Gemeen Oosterholt-Scharmbeek worrn. Sietdem höört Biloh binnen de Gemeen to de Oortschop Ohlenst.
Inwahnertall
[ännern | Bornkood ännern]| Johr | Inwahners |
|---|---|
| 1791[1] | 8 Füürsteden |
| 1812[2] | 53 |
| 1824[3] | 8 Füürsteden |
| 1848[4] | 59 Lüüd, 12 Hüüs |
| 1. Dezember 1871[5] | 48 Lüüd, 11 Hüüs |
| 1. Dezember 1885[6] | 49 Lüüd, 10 Hüüs |
| 1. Dezember 1905[7] | 43 Lüüd, 10 Hüüs |
Religion
[ännern | Bornkood ännern]Biloh is evangeelsch-luthersch präägt un höört to dat Kaspel von de Willehadi-Kark in Scharmbeek.
För de Kathoolschen is de Hillige-Familie-Kark in Oosterholt-Scharmbeek tostännig.
Weertschop un Infrastruktur
[ännern | Bornkood ännern]För Biloh is de freewillige Füürwehr Ohlenst mit tostännig.
Verkehr
[ännern | Bornkood ännern]Dör Biloh löppt de Kreisstraat 16, de in’n Noordwesten in’n Landkreis Cuxhoben in de K 47 övergeiht un na Harndorp geiht. In’n Süden föhrt de K 16 över Ohlenst un Büttel na Hülsbarg an de K 46. Över de K 46 un de K 4 in Ohlenst is de Oort an de Bundsstraat 74 anbunnen.
De nächste Autobahn is de Autobahn 27 (Afsnidd Bremen–Bremerhoben). De Opfohrt 13 Uthleer liggt so 13 Kilometer in’n Westen von Biloh an de K 48.
De nächsten Bahnhööv sünd an de Bahnlien Bremen–Bremerhoben fiev Kilometer wied weg in’n Noordoosten de Bahnhoff Lübbs un söss Kilometer in’n Süüdoosten de Bahnhoff Olenbüttel.
Scholen
[ännern | Bornkood ännern]Biloh hett siet Januar 1998 en Waldorf-Kinnergoorn.
De Kinner ut Biloh gaht na de Grundschool Heilshorn. De Grundschool Ohlenst, op de de Kinner vörher gahn sünd, hett mit dat Enn von dat Schooljohr 2016/2017 dichtmaakt.
Literatur
[ännern | Bornkood ännern]- Lüder Halenbeck: Geschichte des Fleckens Scharmbeck und der Güter Sandbeck und Bilohe. (ut’n Nalaat bearbeidt von Heinrich Schriefer, rutgeven von Joh. Steeneck), Rohr, Vesack 1897
Footnoten
[ännern | Bornkood ännern]- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 24
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 105
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 58
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 138
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 157
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 168
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 143
