Öbergünnermoor
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21614 | |
| Vörwahl: | 04161 | |
| Geograafsche Laag: | Koordinaten:53° 29′ N, 9° 45′ O53° 29′ N, 9° 45′ O | |
|
| ||
Öbergünnermoor (hoochdüütsch Ovelgönnermoor) is en lütten Oort in de Gemeen Buxthu in’n Landkreis Stood, Neddersassen. Binnen de Gemeen höört dat Rebeed to de polietsche Oortschop Öbergünn/Ketzendörp.
Geografie
[ännern | Bornkood ännern]Öbergünnermoor liggt an’n Rand von de Masch von de Elv na de Randmooren un dormit ok an de Grenz von Oolland. De Oort liggt in dat Naturschuulrebeed Moor bi Buxthu.
De Naveröörd sünd Finkenriek in’n Noorden, Rübk un Nincoperdiek in’n Noordoosten, Vosshusen in’n Süüdoosten, Ketzendörp, Öbergünn un Imbeek in’n Süden, Oostmoor un Buxthu in’n Süüdwesten, Hogendannen in’n Westen un Weid in’n Noordwesten.
Historie
[ännern | Bornkood ännern]Verwaltungsgeschicht
[ännern | Bornkood ännern]De Oort leeg vör 1859 in de Huusvaagdie Mesborg von dat Amt Mesborg, denn bet 1885 in’t Amt Töst un weer na 1885 Deel von’n Kreis Horborg un von 1932 af an Kreis Horborg.
Öbergünnermoor hett fröher jümmer to de Gemeen Öbergünn höört, de an’n 1. Juli 1972 bi de Gemeenreform in Neddersassen mit de Gemeen Buxthu tohoopleggt worrn un dorbi von’n Landkreis Horborg to’n Landkreis Stood wesselt is. Vondaag is de Oort binnen de Gemeen Buxthu Deel von de Oortschop Öbergünn/Ketzendörp.
Inwahnertall
[ännern | Bornkood ännern]| Johr | Inwahners |
|---|---|
| 1848[1] | 2 Hööv |
| 1. Dezember 1871[2] | 17 Lüüd, 2 Hüüs |
| 1. Dezember 1885[3] | 13 Lüüd, 2 Hüüs |
| 1. Dezember 1905[4] | 12 Lüüd, 2 Hüüs |
Religion
[ännern | Bornkood ännern]Öbergünnermoor is evangeelsch-luthersch präägt un höört to dat Kaspel von de Nicolai-Kark in Ilsdörp.
För de Kathoolschen is de St.-Maria-Kark in Buxthu tostännig.
Weertschop un Infrastruktur
[ännern | Bornkood ännern]För Öbergünnermoor is de freewillige Füürwehr Öbergünn mit tostännig.
Verkehr
[ännern | Bornkood ännern]Von Öbergünnermoor kummt een in’n Süden na Öbergünn an de Bundsstraat 73 un in’n Noorden na Rübk an de Kreisstraat 19. De K 19 löppt von Rübk in’n Süüdwesten as Kreisstraat 40 na Buxthu un in’n Oosten an de Landsstraat 235. De L 235 wedder föhrt in’n Noorden na Neefeld un in’n Süden as B 3n na Vosshusen un an de B 73. Över de B 73 kummt een in’n Oosten över Fischbeek un Neegraven na Horborg.
De nächste Autobahn is de Autobahn 26 (Afsnidd Stood–Hamborg). De Opfohrt 6 Jörk liggt so teihn Kilometer in’n Noordwesten von Öbergünnermoor an de K 26. In Tokumst warrt de A 26 aver noch wieder boot un denn schall dat dree Kilometer in’n Oosten de Opfohrt 8 Vosshusen an de L 235/B 3n geven. De Opfohrt 44 Raad op de Autobahn 1 (Afsnidd Hamborg–Bremen) liggt 13 Kilometer in’n Süden.
De nächste Bahnhoff is so bi söven Kilometer wied weg in’n Süüdwesten de Bahnhoff Buxthu an de Nedderelvbahn twüschen Cuxhoben un Hamborg. De Bahnhoff Vosshusen an de Lien S3 von de S-Bahn Hamborg liggt sogor blots fiev Kilometer in’n Süüdoosten.
Scholen
[ännern | Bornkood ännern]Na Grundschool gaht de Kinner op de Grundschool Ooldklooster. Ganz fröher sünd de Kinner op de Volksschool in Wulmsdörp gahn.
Footnoten
[ännern | Bornkood ännern]- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 99
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 131
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 146
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 78