Oostmoor
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21614 | |
| Vörwahl: | 04161 | |
| Geograafsche Laag: | Koordinaten:53° 28′ N, 9° 43′ O53° 28′ N, 9° 43′ O | |
|
| ||
Oostmoor (hoochdüütsch Ostmoor) is en Oort in de Gemeen Buxthu in’n Landkreis Stood, Neddersassen. De Oort höört polietsch al von öllers bi Buxthu mit bi un is vondaag mit Buxthu tohoopwussen. In’n Westen von Buxthu liggt de Oort Westmoor.
Geografie
[ännern | Bornkood ännern]De Oort liggt in dat Randmoor von de Masch an de Elv, nich wied af von de Geestkant. Na Noorden to liggt Oolland. In’n Noordoosten liggt dat Naturschuulrebeed Moor bi Buxthu.
De Naveröörd sünd Hogendannen, Weid, Finkenriek un Rübk in’n Noordoosten, Vosshusen in’n Oosten, Ketzendörp, Öbergünn un Imbeek in’n Süüdoosten, Eindörp in’n Süüdwesten, de Lümbörger Schanz, de Brillenborg, de Sanneree, Ellerbrook un Ooldklooster in’n Westen un Buxthu in’n Noordwesten.
Historie
[ännern | Bornkood ännern]Oostmoor is as Moorkolonie anleggt worrn.
Verwaltungsgeschicht
[ännern | Bornkood ännern]De Oort hett vör 1885 to de Stadt Buxthu tohöört, de to keen Amt höört hett. Na 1885 weer dat in’n Kreis Jörk un is 1932 Deel von’n Kreis Stood worrn.
De Oort is an’n 1. Juli 1972 as Deel von de Stadt Buxthu mit de Gemeenreform in Neddersassen an de nu gröttere Gemeen Buxthu kamen.
Inwahnertall
[ännern | Bornkood ännern]| Johr | Inwahners |
|---|---|
| 1824[1] | 21 Füürsteden |
| 1848[2] | 150 Lüüd, 21 Hüüs |
| 1. Dezember 1871[3] | 148 Lüüd, 24 Hüüs |
Religion
[ännern | Bornkood ännern]Oostmoor is evangeelsch-luthersch präägt un höört to dat Kaspel von de Petrus-Kark in Buxthu.
För de Kathoolschen is de St.-Maria-Kark in Buxthu tostännig.
Weertschop un Infrastruktur
[ännern | Bornkood ännern]Na Süüdwesten slütt sik an de Hüüs von Oostmoor dat Gewarvrebeed von Buxthu an. Deelwies warrt op de olen Hööv aver ok jümmer noch Bueree dreven.
Verkehr
[ännern | Bornkood ännern]Dör Oostmoor löppt de Horbörger Straat (de Kreisstraat 40), de in’n Noordwesten över de K 51 na de Ooldstadt von Buxthu geiht un in’n Süüdoosten in Imbeek an de Bundsstraat 73 ran.
De nächste Autobahn is de Autobahn 26 (Afsnidd Stood–Hamborg). De Opfohrt 6 Jörk liggt so söven Kilometer in’n Noordwesten von Oostmoor an de K 26. In Tokumst warrt de A 26 aver noch wieder boot un denn schall dat dree Kilometer in’n Noorden de Opfohrt 7 Buxthu an de K 40 geven.
De nächste Bahnhoff is so bi dree Kilometer wied weg in’n Westen de Bahnhoff Buxthu an de Nedderelvbahn.
Footnoten
[ännern | Bornkood ännern]- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 472
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 147
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 139