Brillenborg

Brillenborg (hoochdüütsch Brillenburg) weer en Hoff, de bi Ooldklooster mit bihöört hett. Vondaag liggt dat Rebeed in de Gemeen Buxthu in’n Landkreis Stood, Neddersassen.

Geografie

De Oort liggt op’n Rand von de Stoder Geest hen na dat Randmoor von de Maschen von de Elv. Na Noorden to liggt Oolland. In’n Westen von Brillenborg flütt de Eest langs.

De Naveröörd fröher weren Buxthu in’n Noorden, Oostmoor in’n Oosten, Imbeek in’n Süüdoosten, Eindörp in’n Süden un Ooldklooster mit Ellerbrook in’n Westen. Dichtbi leeg ok de Sanneree.

Historie

Direkt an’n fröheren Hoff langs löppt siet 1881 de Nedderelvbahn.

Verwaltungsgeschicht

In de Franzosentied von 1810 bet 1814 hett de Oort to de Mairie Buxthu in’n Kanton Buxthu höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör’n 1. Juli 1823 to dat Amt Amt Oold- un Neeklooster tohöört un denn bet 1852 to dat Amt Harsfeld. In dat Johr is de Oort in dat Amt Hornborg wesselt. Dat Amt Hornborg is aber blots bet 1859 bestahn bleven un Brillenborg hett denn wedder to dat Amt Harsfeld höört. Mit’n 1. April 1885 is dat Amt oplööst worrn un de Oort is Deel von’n Kreis Stood worrn. 1932 is dat Deel von’n ne’en, grötteren Kreis Stood worrn.

Brillenborg is mit Ooldklooster 1931 Deel von de Gemeen Buxthu worrn.

Inwahnertall

Johr	Inwahners
1793-00-001793	1 Füürsteed
1812-00-001812	6
1824-00-001824	1 Füürsteed

Brillenborg (Buxthu):

Johr	Inwahners
1871-12-011. Dezember 1871	12 Lüüd, 1 Huus

Good Brillenborg (Ooldklooster):

Johr	Inwahners
1871-12-011. Dezember 1871	22 Lüüd, 3 Hüüs

Religion

Brillenborg is evangeelsch-luthersch präägt un höört to dat Kaspel von de Petrus-Kark in Buxthu.

För de Kathoolschen is de St.-Marien-Kark in Buxthu tostännig.