Amerikaansche Jumferninseln

Vun Wikipedia
Wesseln na: Navigatschoon, Söök
Amerikaansche Jumferninseln
Flagg vun Amerikaansche Jumferninseln Wapen vun Amerikaansche Jumferninseln
(Flagg) (Wapen)
Wahlspröök: United in Proud and Hope
(engl. „Vereent in Stolt un Hoopnung“)
Natschonalhymne: Virgin Islands March
Woneem liggt Amerikaansche Jumferninseln
Hööftstadt Charlotte Amalie
18° 21′ N, 64° 57′ W
Gröttste Stadt
Amtsspraak Engelsch
Regeren
Präsident
Gouverneur
Butenkuntreien
vun de USA
Barack Obama
John de Jongh
'
Grött
 • Allens
 • Water (%)
 
349 km²
? %
Inwahnertall
 • 2008 afschätzt
 • Inwahnerdicht
 
108.210 (Quelle: CIA 2008)
129,9/km²
Geldsoort 1 US-Dollar
= 100 Cents ([[ISO 4217|]])
BBP $ ()
$ je Kopp
Tietrebeet UTC (UTC-4)
Internet-TLD .vi
ISO 3166 VI
Vörwahl ++1 (340) kiek bi NANP
Koort vun dat Land

De Amerikaanschen Jumferninseln (eng.: United States Virgin Islands) sünd en Inselgrupp vun de Lüttjen Antillen in de Karibische See un liggt in'n Osten vun Puerto Rico. Dor höört de dree Hööftinseln Saint Croix, Saint John un Saint Thomas to. Eerst 1996 is Water Island dor ok noch tokamen. Bovenhen gifft dat noch en ganze Reeg vun lüttjere Eilannen. De Eilannen höört to de Butenkuntreien vun de Vereenigten Staten, man sünd keen Deel vun de USA.

Geographie[ännern | Bornkood ännern]

De Inseln bestaht to'n groten Deel ut Steen, Anbarge un Barge mit bloß man minn platt Land. De hööchste Stäe is de Crown Mountain mit siene 474 m.

Klima[ännern | Bornkood ännern]

Dat Klima höört to de Subtropen to. Dat gifft nich sunnerlich veel Water in de Luft un de Temperatuur is man matig vunwegen de ööstlichen Winnen. Över dat Johr hen verscheelt de Temperaturen sik nich veel. Regentied is vun Mai bit November. Man ok in annere Tieden kann dat pladdern. De Inseln liggt langs de Anegada Passage, wat en Seeweg na den Panamakanaal hen is. In de lesten Johre hett dat up de Eilannen swaare Störme geven, denn gifft dat ok noch Tieden, wo dat Land versoort oder översweemt. Ok Eerdbeven kaamt vör. Veel natüürlich Söötwater gifft dat ok nich.

Inwahners[ännern | Bornkood ännern]

Krüüzfahrt-Scheepe vör St. Thomas

Up de Amerikaanschem Jumferninseln wahnt um un bi 108.605 Inwahners. 42 % höört to de Baptisten to, 34 % sünd kathoolsch un 17 % sünd bi de Anglikaansche Kark. Blangen de Amtssprake Engelsch warrt noch Kreoolsch snackt.

Geschichte[ännern | Bornkood ännern]

1493 hett Christoph Kolumbus de Inseln funnen. Dormols leven dor Indianers. An'n 14. November 1493 is he up eene Insel an Land gahn un hett ehr den Naam Santa Cruz (Saint Croix) geven. Denn is he 70 km na Norden to seilt na de Inseln Saint Thomas un Saint John. He hett jem den Naam vun de Jumferninseln geven. Saint Croix is dor eerst later to tellt wurrn. Eerst versöchen Englänner un Hollänners vun 1625 af an, sik up St. Croix an to siedeln. 1650 hefft Spaniers un Franzosen dat Eiland in'e Hand harrt. 1653 weer Malta Baas up St. Croix un 1665 harrn de Franzosen dat wedder in'e Hand.

An'n 30. März 1666 is de Flagg vun Däänmark up St. Thomas uptagen wurrn. Vun dor af an höör dat as däänsche Kolonie Däänsch-Westindien to Däänmark-Norwegen mit to. 1672 hefft de eersten däänsche Siedlers duerhaftige Wohnstäden up St. Thomas boot. 1685 hett Brannenborg-Preußen dör sien Marine-Generaaldirektor Benjamin Raule en Verdrag mit de Däänsche Westindien-Kompanie afslaten un hett dor en Deel vun St. Thomas för Brannenborg mit hüürt. 1689 hett Brannenborg-Preußen dat Krabbeneiland twüschen Saint Thomas un Puerto Rico besett'.

1693 hefft de Dänen ohn Wedderstand de brannenborgschen Faktoreien innahmen. An'n 13. August 1720 hett de König vun Preußen, Frederik Willem I. en Urkunn unnertekent, wo he sik gegen de hollannsche Hannelskompagnie all vörmolig brannenborgschen Länner in Afrika un St. Thomas begifft. St. Croix haar vun 1674 af an to Frankriek höört. 1733 hett Däänmark dat övernahmen. Dormols höör Flensborg to Däänmark un bit 1864 weer de Import vun Rohrzucker ut Däänsch-Westindien un dat Wieter-Verarbeiden wichtig för de Stadt. 1848 geev dat en Upstand vun de Slaven gegen de Dänen. Vunwegen, datt de USA in düsse Gemarken in den Eersten Weltkrieg en Butenposten för de Marine bruken döen, hefft se de Eilannen in dat Johr 1917 för 25 Mio. Dollar vun Däänmark köfft.