Guadeloupe

Vun Wikipedia
Bezirk Guadeloupe
Wappen
Grunddaten
Region Guadeloupe
Seet vun’t Bezirksverwalten Basse Terre
Kreisstäder

{{{KREISSTÄDER}}}

Inwahners (1999-00-001999) 443,000 Inwahners
Inwahnerdicht 260/km² Inwahners/km²
Flach 1702 km² km²
Kreisen 3
Kantonen 43
Gemenen 34
Präsident vun’n Bezirksdag Josette Borel-Lincertin

Guadeloupe [gwa.ˈdlup] (Vun de Inwahners vun de Eilannen ok Gwada nömmt) is en Franzöösch Översee Departement in de Karibische See, nöördlich vun Dominica un süüdööstlich vun Montserrat. Dat besteiht ut en Archipel vun Eilannen, de to de Lüttjen Antillen tohöörn doot. Faken warrt mit Guadeloupe man bloß dat Hööfteiland meent. Dat is avers in Würklichkeit en Dubbelinsel, de dör en smalle Seestraten scheedt is: Basse-Terre un Grande-Terre. Guadeloupe is ok een vun de 26 Regionen vun Frankriek.

Flegerhaven is Pole Caraibes bi Pointe-à-Pitre (IATA-Kood: PTP) up dat Eiland Grand Terre.

Geschichte[ännern | Bornkood ännern]

Guadeloupe is toeerst vun Indianers ut dat Volk vun de Kariben bewohnt wurrn. Se hefft de Insel Karukera nömmt, wat so veel bedüden deit, as Eiland vun dat mooie Water. As Christoph Kolumbus de Eilannen 1493 funnen hett, hett he jem den Naam geven na de Jumfer vun Guadeloupe in de spaansche Region Extremadura. Sinds 1635 höört Guadeloupe to Frankriek to, mit Utnahme vun twee korte Afsnitte in de Tied vun den Sevenjöhrigen Krieg un de Franzöösche Revolutschoon, wo dat mol in de Englänner ehre Hand ween is. 1848 is dor de Slaveree afschafft wurrn.

Inwahners[ännern | Bornkood ännern]

Up Basse-Terre wahnt um un bi 150.000 Lüde, up Grand-terre sünd dat bi 180.000. Up de annern Inseln gifft dat nich veel Inwahners, up Saint-Barthélemy sünd dat, t.B. man bloß 7.000 Lüde. Bi 90% vun de Inwahners stammt vun vörmolige Slaven ut Afrika af. 5 % sünd Witte, annere Gruppen maakt alltohopen minner as 5 % ut, dormank Libanesen, Inder un Chinesen. 95 % vun de Inwahners sünd kathoolsch. Bi 1 % höört to de Protestanten. De Rest sünd Hindus oder hoolt sik an en afrikaansche Natuureligion.