Kaimaninseln

Vun Wikipedia
Wesseln na: Navigatschoon, Söök
Cayman Islands
Kaiman-Eilannen
Flagg vun Kaiman-Eilannen Wapen vun Kaiman-Eilannen
(Flagg) (Wapen)
Wahlspröök: He hath founded it upon the seas
(engl. „He hett dat grünnt up de See“)
Natschonalhymne: God Save the Queen
Woneem liggt Kaiman-Eilannen
Hööftstadt George Town
19° 17′ N, 81° 22′ W
Gröttste Stadt
Amtsspraak Engelsch
Regeren
Königin
Baas vun de Regeerung
Överseekuntrei
vun dat Vereenigte Königriek
Elisabeth II.
Kurt Tibbets
'
Grött
 • Allens
 • Water (%)
 
264 km²
? %
Inwahnertall
 • 2009 afschätzt
 • Inwahnerdicht
 
49.035 (2009) (207.) [1]
173,4/km²
Geldsoort Kaiman-Dollar (KYD) (KYD)
BBP $ ()

48.290 US-$ (Born: Utwärtig Amt 2007) $ je Kopp

Tietrebeet UTC (UTC-5)
Internet-TLD .ky
ISO 3166 KY
Vörwahl ++1 (345) kiek bi NANP
Koort vun dat Land

De Kaiman-Eilannen (engl.: Cayman Islands) sünd en Inselgrupp in de Karibische See un höört to de Överseekuntreien vun dat Vereenigte Königriek mit to. Den Naam hefft de Eilannen vun de verscheden Aarden vun Steertüzen un Reptilien, de hier leven doot, un de an'n Anfang mit Kaimane verwesselt wurrn sünd.

Geographie[ännern | Bornkood ännern]

De Inselgruppe besteiht ut de dree Inseln Grand Cayman, Little Cayman un Cayman Brac. Se liggt bi 350 km süüdlich vun Kuba. Alltohopen sünd de Eilannen bi 262 km² groot, man Grand Cayman maakt dor mit 197 km² mit Afstand den gröttsten Deel vun ut. De Inselgruppe is bloß de hööchste Topp vun den Kaimanruggen. Dt is en Bargkeed, de unner de See liggt un de bit na Kuba henrecken deit.

In'n Norden vun de Insel liggt, twuschen Rum Point un Conch Point de North Sound. Dat is en 80 km² grode Baai mit sied Water, wat tomeist 1,8 bit 3,8 m deep is.

Inwahners[ännern | Bornkood ännern]

Up de Eilannen leevt alltohopen 45.436 Inwahners. Dor sünd um un bi 90 % vun up Grand Cayman tohuse. Mit de Johrhunnerte sund dor ganz verschedene Völker henkamen, de sik goot mit'nanner verdregen doot. Wat as scheneerlich un wat as anstännig ankeken warrt, dat hangt jummers noch vun de eersten Siedlers in dat 18. Johrhunnert af. De weern vun Grootbritannien her kamen. De meisten Inwahners hoolt sik an den christlichen Gloven.

Geschichte un Politik[ännern | Bornkood ännern]

Christoph Kolumbus hett de Inseln an'n 10. Mai 1503 funnen, as siene Scheepe vun den oorntlichen Kurs afkamen weern. Vunwegen de Schildkröten, de dor tohuse weern, hefft de Eilannen toeerst den Naam „Las Tortugas“ kregen, man vun 1540 af an heet se „Caymanas“. Eerst vun 1666 af an sünd Siedlers vun Jamaika her up de Kaiman-Eilannen kamen, man vunwegen datt de Inseln faken överfullen un utplünnert wurrn sünd, sünd de denn wedder aftrocken. In den Verdrag vun Madrid hett Spanien 1670 de engelsche Hoheit över Jamaika un över de Kaiman-Inseln gellen laten. Domols höör de Inselgrupp to Jamaika to. Vun 1734 af an sünd de Eilannen duerhaftig besiedelt wurrn. En wettgevende Versammlung gifft dat up de Eilannen vun 1832 af an. As Jamaika unafhängig wurrn is, harrn sik de Inwahners vun de Kaimaninseln anners överleggt: Se sünd en Kolonie vun de Kroon vun dat Vereenigte Königriek wurrn un hefft en egen Gouverneur kregen. Vun 1962 af an gellt de Kaiman-Eilannen as Kroonkolonie un dröövt sik, na binnen hen, sülms verwalten. In dat Johr 2004 hett de Hurrikan „Ivan“ grote Deele vun de Inseln to Dutt maakt.

Belege[ännern | Bornkood ännern]

  1. CIA World Factbook 2009: Över de Cayman Islands