18. Johrhunnert

Vun Wikipedia
Wesseln na: Navigatschoon, Söök

Dat 18. Johrhunnert fangt up’n 1. Januar 1701 an un geiht bit to’n 31. Dezember 1800. Dat warrt to de fröhe Nutiet torekent.

Kulturgeschicht[ännern | Bornkood ännern]

In dat 18. Johrhunnert regeert in Kunst un Kultur toeerst dat Tietöller vun dat Barock. Na de Midden vun’t Johrhunnert geiht dat öber in’t Rokokko. An’t Enne kümmt denn noch dat Empire un de Klassizismus.

Philosophie un Geschicht vun den Geist[ännern | Bornkood ännern]

Düt Johrhunnert kümmt de Aufklärung to de gröttste Kraft. Naams as Immanuel Kant, Lessing, Locke un Hume sünd vundage noch bekannt. Rousseau, Denis Diderot un Voltaire smiet ole Traditionen vun dat Denken un vun de Philosophie eenfach weg un fangt wat Nees an. De Orthodoxie in de christlich Lehr verlüst ehr Kraft. De Pietismus kümmt up: Dor is wichtig, wat de enkelte Minsch in den Globen föhlen un beleben deit. An't Enn vun't Johrhunnert fangt in de Literatur de Sturm und Drang an, dor geiht’t miteens wedder mehr üm dat Geföhl un nich blot üm Analyse un Denken un Verstand. Goethe schrifft sienen Werther.

Musik[ännern | Bornkood ännern]

De groden Komponisten vun de Barocktiet leevt un arbeit in de eerste Hälft vun düt Johrhunnert: Johann Sebastian Bach, Georg Friedrich Händel, Georg Philipp Telemann, Antonio Vivaldi un Jean-Philippe Rameau.

Politik[ännern | Bornkood ännern]

1714 geiht mit den Dood vun Ludwig XIV. een Tietöller to Enn. De Afsolutismus geiht in dat Hillig Röömsch Riek un in Frankriek man eerstmol fudder. In Preußen regeert eerst Frederik Willem I., de Suldatenkönig. Em folgt sien Söhn Frederik II. (de „Grote“) up. He fangt jümmers wedder Krieg an, besunners mit Öösterriek un hett Glück un winnt un maakt sien Land to een europääsche Grootmacht. 1776 sünd de USA vun Grootbritannien unafhängig wurrn. 1789 geev dat in Frankriek de Revolutschooon. Dor hefft se den König Ludwig XVI. un sien Fro Marie Antoinette mit de Guillotine de Köpp afneiht. Frankriek is denn Republik wurrn. Ganz an't Enn vun dat Johrhunnert hett Napoléon Bonaparte de Truppen vun Frankriek in'n Krieg gegen den Rest vun de Welt anföhrt.

1701 1702 1703 1704 1705 1706 1707 1708 1709 1710
1711 1712 1713 1714 1715 1716 1717 1718 1719 1720
1721 1722 1723 1724 1725 1726 1727 1728 1729 1730
1731 1732 1733 1734 1735 1736 1737 1738 1739 1740
1741 1742 1743 1744 1745 1746 1747 1748 1749 1750
1751 1752 1753 1754 1755 1756 1757 1758 1759 1760
1761 1762 1763 1764 1765 1766 1767 1768 1769 1770
1771 1772 1773 1774 1775 1776 1777 1778 1779 1780
1781 1782 1783 1784 1785 1786 1787 1788 1789 1790
1791 1792 1793 1794 1795 1796 1797 1798 1799 1800