Montserrat

Vun Wikipedia
Wesseln na: Navigatschoon, Söök
Montserrat
Flagg vun Montserrat Wapen vun Montserrat
(Flagg) (Wapen)
Wahlspröök: Each Endeavouring, All Achieving
Natschonalhymne: God Save the Queen
Woneem liggt Montserrat
Hööftstadt Plymouth (de jure)
Brades (de facto)
16° 42′ N, 62° 13′ W
Gröttste Stadt
Amtsspraak Engelsch
Regeren
Königin
Baas vun de Regeerung
Överseekuntrei
vun dat Vereenigte Königriek
Elisabeth II.
Lowell Lewis
'
Grött
 • Allens
 • Water (%)
 
102 km²
? %
Inwahnertall
 • 2008 afschätzt
 • Inwahnerdicht
 
6.409 (Stand Januar 2008)
63/km²
Geldsoort 1 Oostkaribischen Dollar = 100 Cents ([[ISO 4217|]])
BBP $ ()
$ je Kopp
Tietrebeet UTC (UTC-4)
Internet-TLD .ms
ISO 3166 MS
Vörwahl ++1 (664) kiek bi NANP
Koort vun dat Land

Montserrat is en Eiland in de Karibische See. Se höört to de Överseekuntreien vun dat Vereenigte Königriek mit to. De Insel liggt süüdwestlich vun Antigua un noordwestlich vun Guadeloupe.

Geographie[ännern | Bornkood ännern]

De brittsche Kroonkolonie höört to de Eilannen vun de Lüttjen Antillen un sünd dör Vulkanismus tostanne kamen. Dat Eiland besteiht in’n Groten un Ganzen ut dree Vulkanbarge: De Silver Hills in’n Norden, de Centre Hills in de Midden un de Soufrière Hills in’n Süden. Bloß de Soufrière Hills sünd noch aktiv. Geowetenschopplers gaht dorvun ut, dat de Vulkan richtig dull to’n lesten Mol vör um un bi 20.000 Johren utbraken is. Man na en Paus vun um un bi 400 Johre is doch faststellt wurrn, datt de Vulkan wedder togange is. Vun 1992 af an harr sik dat dör en Reege vun Eerdbevenswärme ankünnigt. As de Vulkan 1995 utbraken weer, is en groten Deel vun de Insel wööst wurrn. Vundeswegen dröövt Lüde 2/3 vun dat Eiland nich beträen. Ok dat Schippern dör dat water an de Küsten is gefährlich, vunwegen, datt dat keene aktuellen Karten gifft. Wiethen kann een up See rüken, wie dat bannig na Swevelwaterstoff stinken deit (April 2005). 10 Seemielen um de Insel umto dröövt Scheepe nich fohren, dat Water is kumplett speert. Jeden Dag warrt över Seefunk en paar Mol wohrschaut, wenn dat nödig is. Up dat Eiland sünd de Gemarken, de afspeert wurrn sünd, in dat Johr 2005 to’n Deel wedder apen maakt wurrn. Lüde könnt sik mit’n Föhrer dat Eiland wedder ankieken. Scheepe köönt de nöördliche Bucht anlopen, blots in’n süüdlichen Deel vun de Insel is dat verbaden. Krüüzfohrtscheepe fohrt över dag bit to 500 m an de Süüdküsten ran.

Vun den 8. Januar 2007 af an is de Soufrière wedder togange. Vun dor af an is de süüdliche Deel vun dat Eiland wedder afspeert.

Up Montserrat regeert en tropisch Klima mit Temperaturen twuschen 23 un 30 °C. Sunnerliche Regen- oder Dröögtieden gifft dat nich.

Inwahners[ännern | Bornkood ännern]

Up Montserrat leevt 93 % Swarte un 3 % Witte. 30 % höört to de Anglikaansche Karken to, 23 % sünd Methodisten, 10 % höört to de Röömsch-kathoolsche Karken to.

Wie de Tahl vun Inwahners sik ännert hett[ännern | Bornkood ännern]

Johr Inwahners
1980 11.606
1998 2.850
2001 4.482
2005 9.341
2008 6.409

Vunwegen dat Torüchwannern weert de Inwaners vun dat Eiland jummers noch bannig mehr. De Tahl vun Inwahners wasst in't Johr 1,8 %.

Geschichte[ännern | Bornkood ännern]

Siet um un bi 7.000 Johre wahnt up Montserrat Minschen. Vun 400 v. Chr. af an sünd dor Indianers vun dat Volk vun de Arawak inwannert. Bit de Europäers kamen sünd, hefft se de Mehrheit vun de Inwahners utmaakt, ok, wenn de Kariben, de sik goot up Krieg verstünnen, jem in dat 15. Johrhunnert unner kregen hefft. De Kultur vun de Arawak hett averst fudderhen dat Seggen harrt.

Christoph Kolumbus hett de Insel an’n 3. November 1493 funnen un hett ehr unner den Naam Santa Maria de Montserrate för de spaansche Kroon in Besitt nahmen. Den Naam hett dat Eiland kregen na den bekannten Klooster Montserrat up den Barg Montserrat in Katalonien in Spanien. Allerdings hefft sik nie nich Spaniers up dat Eiland ansiedelt.

De eersten Wohnstä’en sünd 1632 vun de Englänners upmaakt wurrn. Dormols geev dat vunwegen den Gloven en Börgerkrieg in England. De Striet över den Gloven is ok bit na Montserrat henkamen. De Inwahners vun de Naberinsel St. Kitts weern ut Irland. Se sünd dormols na Montserrat utsiedelt wurrn. Later sünd Inwannerers ut annere Deele vun de brittschen Kolonien in Noordamerika hento kamen. Noch hüdigendags stammt de gröttste Deel vun de Inwahners, de vun Europa her stammen doot, vun Irland af.

1672 hett Montserrat, tohopen mit Antigua, St. Kitts un Nevis en Konföderatschoon vun brittsche Inselkolonien tostanne bröcht unner den Gouverneur William Stapelton. [1]

De Siedlers hefft Zuckerrohr anboot, dorto Tabak un Katuun. För de Arbeit up de Feller sünd Slaven ut Westafrika hoolt wuurn. De ehre Nakamen maakt hüdigendags den gröttsten Deel un de Inwahners vun dat Eiland ut. 1838 is de Slaveree in den brittschen Slavery abolition act afschafft wurrn. Vun 1871 bit 1956 hett de Insel to de Föderatschoon vun de Leeward Islands tohöört, 1958 is se Liddmaat vun de Westindische Föderatschoon wurrn. As de 1962 uplööst wurrn is, hefft de Inwahners beslaten, se wollen nu wedder en brittsche Kroonkolonie weern.

In’n September 1989 is de Hurrikan Hugo over de Insel hentagen un hett se bannig drapen un duchtig in’ Dutt maakt.

As de Vulkan Soufrière Hills vun’n 18. Juli 1995 af an fökener utbraken is, is de gröttste Deel vun dat Eiland to Dutt gahn, dormank de eenzigste Flegerhaben vun dat Eiland. 75 % vun de Inwahners sünd vun dat Eiland utbüxt. De Hööftstadt Plymouth is 1997 vunwegen de Vulkan-Gefohr offiziell upgeven wurrn. För’n Övergang hett sik de Regeerung in Brades, an dat noordwestliche Enn vun dat Eiland, dal laten.

Politik[ännern | Bornkood ännern]

Montserrat höört to de Överseekuntreien vun dat Vereenigt Königriek vun Grootbritannien un Noordirland. Bovenhen is dat Eiland Liddmaat vun de CARICOM, vun de OECS un höört to de Länner, de de Universität vun de Westindischen Eilannen unnerholen doot. .

Verwaltung[ännern | Bornkood ännern]

Montserrat besteiht ut düsse dree Gemeenden:

Belege[ännern | Bornkood ännern]

  1. H. Wellenreuther: Niedergang und Aufstieg, S.401