Flensborg

Vun Wikipedia
Wesseln na: Navigatschoon, Söök
Flensborg

Flensborg (dänsch Flensborg, hoochdüütsch Flensburg, noordfreesch Flansborj) is een Stadt in Sleswig-Holsteen, un twors heel in den Norden blangen de däänsche Grenz. De Stadt heurt sülvig nich to een Landkreis. Un se is de drütt gröttste Stadt vun Sleswig-Holsteen.

Flensborg liggt ca. 68 km Nord vun Kiel un 92 km in’n Söden vun Kolding. 1950 harr Flensborg 100.000 Inwahners un weer Grootstadt, denn is de Stadt obers wedder lütter woorn. Nu sünd dat bi 85.000 Lü, de in Flensborg wahnt.

Spraaken sün Plattdüütsch in de nordneddersasisch Dialekt, Hoochdüütsch un Däänsch. Flensborg hett ook een däänschet Gymnasium, de Duborg-Skolen. Flensborg höör Johrhunnerte lang to Däänmark.

Beröhmt is Flensborg för dat Flens, dat is dat Flensborger Beer, wat sünnerlich dör den Werner-Comic bekannt is. Ook in Flensborg ward Moin oder Moin Moin seggt. Flensborg is ok beröhmt för den Rum, dat is een Arvstück ut de däänsche Koloniaal-Historie. 1962 hett Beate Uhse in Flensborg den eersten Sex-Shop op de Welt apenmaakt. Un dor sitt ok dat Kraftfahrtbundesamt, wat de Punkte opschrifft, wenn een mit dat Auto to gau is. Bi Flensborg is de Gemeente Handewitt, de een bekannten Handballvereen hett. Weniger künnig is, dat Flensborg ok sien egen Kortfilmfestival hett.

De Volksschauspelersche Erna Raupach-Petersen keem van hier.