Brannenborg-Preußen

Vun Wikipedia
Wesseln na: Navigatschoon, Söök
Orange = Brannenborg vör 1608
Rood = Wat Johann Sigismund 1608-1619 dorto kregen hett
Gröön un geel = Wat de Grote Kurförst 1640–1688 dorto kregen hett

De Naam Brannenborg-Preußen is de Naam för all de Länner, de in de Tied vun 1618 bit 1701 vun dat Huus Hohenzollern regeert wurrn sünd. Toeerst hefft de Markgreven vun Hohenzollern bloß in de Mark Brannenborg seten. Man dat Huus is wussen un vunwegen dat se al to'n Anfang vun dat 17. Johrhunnert allerhand dorto arvt hefft, is de Hohenzollern ehr Land grötter wurrn un hett sik wiethen över veel Kuntreien un Länner verdeelt. Toeerst sünd düsse Länner bloß dör de Person vun den Herrscher tosamenhollen wurrn.

De Naam „Brannenborg-Preußen“ warrt sünnerlich in de Geschichtswetenschop bruukt, wenn dat dor um geiht, en Unnerscheed to maken twuschen dat ganze Land vun de Hohenzollern un de enkelten Delen vun düt Land. As Kurförst Frerich III. vun Brannenborg an'n 18. Januar 1701 in Keenigsbarg to'n König in Preußen kröönt wurrn is, sünd de verscheden Länner vun Brannenborg-Preußen to en zentralen Staat tohopenknütt wurrn. Hen un wenn warrt de Naam Brannenborg-Preußen ok för de Tied na 1701 bruukt, wenn dat dor üm geiht, düütlich to maken, dat de Staat Preußen siene Wuddeln in dat Land Brannenborg hett.

Kiek ok bi[ännern | Bornkood ännern]