Westerbeek (Gemeen Eversdörp)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27432 | |
| Vörwahl: | 04765 | |
| Geograafsche Laag: | Koordinaten:53° 32′ N, 9° 2′ O53° 32′ N, 9° 2′ O | |
|
| ||
Westerbeek (hoochdüütsch Westerbeck) is en lütten Oort in de Gemeen Eversdörp (Samtgemeen Geestborn) in’n Landkreis Rodenborg, Neddersassen. De Oort höört polietsch al von öllers bi Eversdörp mit bi.
Geografie[ännern | Bornkood ännern]
Westerbeek liggt an’n Rand von de Geest hen na de Moorrebeden in’n Süüdwesten un Noordwesten. An’n Oort langs flütt de Westerbeek, de en Stück in’n Noorden in de Meh münnt.
De Naveröörd sünd Doornsood in’n Noorden, Alfs in’n Noordoosten, Eversdörp in’n Oosten, Örel in’n Süden un Nee Eversdörp in’n Westen.
Historie[ännern | Bornkood ännern]
Verwaltungsgeschicht[ännern | Bornkood ännern]
In de Franzosentied von 1810 bet 1814 hett de Oort to de Mairie Loomst in’n Kanton Bremervöör höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to dat Amt Bremervöör tohöört. Na 1885 weer dat in’n Kreis Bremervöör. 1932 is dat Deel von’n ne’en, grötteren Kreis Bremervöör worrn un 1977 von’n Landkreis Rodenborg.
Inwahnertall[ännern | Bornkood ännern]
| Johr | Inwahners |
|---|---|
| 1793[1] | 1 Füürsteed |
| 1824[2] | 2 Füürsteden |
| 1848[3] | 13 Lüüd, 2 Hüüs |
| 1. Dezember 1871[4] | 11 Lüüd, 2 Hüüs |
Religion[ännern | Bornkood ännern]
Westerbeek is evangeelsch-luthersch präägt un höört to dat Kaspel von de Kark in Örel.
För de Kathoolschen is de St.-Michaelskark in Bremervöör tostännig, de siet 1. September 2010 to de Karkengemeen Hillig Geist in Stood tohöört.
Weertschop un Infrastruktur[ännern | Bornkood ännern]
Verkehr[ännern | Bornkood ännern]
Dör Westerbeek löppt de Landsstraat 119, de in’n Noordwesten över Grotenhain un Meckelst na Lintig un in’n Oosten in Eversdörp an de Bundsstraat 495 ran geiht. De B 495 geiht in Süüdoosten an de Bundsstraat 71/74 un na Bremervöör un in’n Noorden över Loomst na Hemmoor un Wischhoben.
De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 5 Debst liggt so 31 Kilometer in’n Noordwesten von Westerbeek.
De nächste Bahnhoff is so bi acht Kilometer wied weg in’n Süüdwesten de Bahnhoff Op de Hööv an de Bahnlien Bremerhoben–Buxthu.
Scholen[ännern | Bornkood ännern]
De Schölers ut’n Oort gaht na de Grundschool Eversdörp/Alfs in Eversdörp. Later wesselt se na Oberschool op de Geestborn-School in Örel oder na dat Gymnasium Bremervöör.
Footnoten[ännern | Bornkood ännern]
- ↑ Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 246: https://books.google.de/books?id=jN5QAAAAcAAJ&pg=PA246
- ↑ C. H. Jansen: Statistisches Handbuch des Königreichs Hannover. 1824, Sied 654: http://books.google.de/books?id=tG0AAAAAcAAJ&pg=PA654
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 132: http://books.google.de/books?id=eOI-AAAAcAAJ&pg=PA132
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 144: https://books.google.de/books?id=qTZDAQAAMAAJ&pg=RA2-PA144