Valdemar Castillo

Vun Wikipedia
Zur Navigation springen Zur Suche springen

Valdemar Isidro Castillo (* 22. Mai 1946 in Corozal) is en Politiker ut Brietsch-Honduras/Belize (PUP).

Castillo is 1946 in Corozal boren. He weer op de St Francis Xavier Primary School in Corozal un denn op dat Saint Francis Xavier College.

Bi de Parlamentswahl in Belize 1979 weer he Kannedaat för de PUP in’n Wahlkreis Corozal Noord un hett de Wahl mit 53,4 % von de Stimmen gegen Javier Castillo von de UDP wunnen. Ok bi de Wahlen 1984 (49,6 % von de Stimmen gegen Richard Quan, UDP), 1989 (54,4 % gegen Richard Quan, UDP), 1993 (59,1 % gegen Guadalupe Longsworth, UDP), 1998 (62,26 % gegen Guadalupe Longsworth, UDP) un 2003 (49,07 % gegen Nemencio Acosta, UDP) kunn he sik in’n sülven Wahlkreis dörsetten. Bi de Wahl 2008 aver hett he mit 44,89 % von de Stimmen gegen Nemencio Acosta von de UDP verloren. Bi de Wahl 2012 is he ok noch wedder antreden, kunn sik mit 47,83 % aver dütmaal jüstso nich dörsetten un hett gegen Hugo Patt von de UDP verloren.

Dormit weer he von’n 21. November 1979 bet 7. Februar 2008 Afornten von dat Repräsentantenhuus von Belize. Von 1979 bet 1984 weer Castillo Viez-Spreker von dat Repräsentantenhuus.

Castillo weer ünner Premierminister George Cadle Price von 1989 bet 1990 Minister för Huusbo un Kooperativen un von 1990 bet 1993 Minister för Arbeid in dat Kabinett Price II.

Ünner Premierminister Said Musa weer he von 1998 bet Dezember 1999 wedder Viez-Spreker von dat Repräsentantenhuus. Von Dezember 1999 bet 2003 weer he Minister för Arbeid, Lokale Verwaltung un de Zuckerindustrie in dat Kabinett Musa I. He hett düssen Posten övernahmen, nadem Florencio Marin Sr. dat Kabinett verlaten hett. Von 2003 bet 2008 weer he noch wedder Viez-Spreker von dat Repräsentantenhuus.

Nadem de Vörsitter von de Corozal Free Zone, Florencio Marin Sr., 2007 sien Amt opgeven hett, üm Minister för Natürliche Ressourcen un Ümwelt to warrn, hett Castillo dat Leid över de Free Zone övernahmen.