Nemencio Acosta

Vun Wikipedia
Zur Navigation springen Zur Suche springen

Nemencio Acosta is en Politiker ut Belize (UDP).

Bi de Parlamentswahl in Belize 2003 weer he Kannedaat för de UDP in’n Wahlkreis Corozal Noord un hett de Wahl mit 48,84 % von de Stimmen gegen Valdemar Isidro Castillo von de PUP verloren. Bi de Wahl 2008 weer he in’n sülven Wahlkreis Kannedaat un hett de Wahl dütmaal mit 49,07 % gegen Castillo wunnen.

Dormit weer he von’n 7. Februar 2008 bet 2012 Afornten von dat Repräsentantenhuus von Belize. He weer von’n 17. März 2009 bet 17. September 2009 ünner Premierminister Dean Barrow Staatsminister in dat Ministerium för Minschliche Entwicklung. Düssen Posten harr he övernahmen, as Juan Coy as Staatsminister suspendeert weer, nadem Coy sien Autorität insett hett, üm en Smuggler ut sien Wahlkreis vör de Straafverfolgung to schulen.[1] Na Afloop von söss Maand hett Coy wedder as Staatsminister övernahmen.

An’n 26. Oktober 2011 is he Staatsminister in dat Ministerium för Bueree un Fischeree worrn, wat he bet to’n 14. März 2012 bleven is.

He weer bet 2009 Vörsitter von dat Sugar Industry Control Board.

Footnoten[ännern | Bornkood ännern]

  1. Aaron Humes: Nemencio Acosta replaces Juan Coy in Human Development Ministry, Amandala an’n 31. März 2009