Twendamm
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27632 | |
| Vörwahl: | 04742 | |
| Geograafsche Laag: | Koordinaten:53° 40′ N, 8° 32′ O53° 40′ N, 8° 32′ O | |
|
| ||
Twendamm (hoochdüütsch Twendamm) is en lütten Oort in de Gemeen Wuster Noordseeküst in’n Landkreis Cuxhoben, Neddersassen. De Oort höört polietsch von öllers bi Misselwarden mit bi.
Geografie
[ännern | Bornkood ännern]De Oort liggt in de Masch von Land Wusten. De Noordsee is knapp dree Kilometer in’n Westen. Dat Water ut dat Rebeed flütt över Gravens af na de Misselwardener Waterlöös un de Misslwardener/Wremer Lemmasch.
De Naveröörd sünd Hornk, Veerhusen un Barlinghusen in’n Noorden, Mulsen un Wierde in’n Noordoosten, Sievern in’n Süüdoosten, Wremen, Noordwierde un Ellernworth in’n Süüdwesten un Mirk un Misselwarden in’n Noordwesten.
Historie
[ännern | Bornkood ännern]In Twendamm hett dat en Hollanner-Windmöhl geven, de in dat 18. Johrhunnert in Besitt von’n Möller Abraham Grau weer. De Möhl is in de Tied üm 1930 afreten worrn.[1]
Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Wremen in’n Kanton Dorum höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort weer vör 1852 in dat Twendammer Veerdel von dat Kaspel Misselwarden un hett to dat Vaagdiegericht Land Wusten tohöört. Von 1852 bet 1885 leeg de Oort in’t Amt Dorum un denn in’n Kreis Leh. 1932 is dat Deel von’n Kreis Wersermünn worrn un 1977 von’n Landkreis Cuxhoben.
Mit de Gemeenreform in Neddersassen an’n 1. März 1974 is de Gemeen Misselwarden Deel von de Samtgemeen Land Wusten worrn. To’n 1. Januar 2015 is de Gemeen Misselwarden oplööst un ut de ganze Samtgemeen Land Wusten is tohoop mit de Gemeen Noordholt de ne’e Gemeen Wuster Noordseeküst worrn.
Inwahnertall
[ännern | Bornkood ännern]| Johr | Inwahners |
|---|---|
| 1791[2] | 7 Füürsteden |
| 1812[3] | 38 |
| 1824[4] | 9 Füürsteden |
| 1. Dezember 1871[5] | 65 Lüüd, 9 Hüüs |
Religion
[ännern | Bornkood ännern]Twendamm is evangeelsch-luthersch präägt un höört to dat Kaspel von de Katharinen-Kark in Misselwarden.
För de Kathoolschen is de Hillig-Hart-Jesu-Kark in Bremerhoben-Leh tostännig.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]An Twendamm langs löppt de Landsstraat 129, de in’n Noordoosten na Mulsen, Dorum un Millm geiht un in’n Süden na Wremen, Dingen un Weddewarden. In’n Noordwesten geiht de Kreisstraat 68 na Misselwarden un op Padingbüddel to. Von de L 129 in Wreem ut na Oosten löppt de Kreisstraat 66, de in Sievern de L 135 krüüzt un bi Debst an de L 118 un de L 120 ran geiht.
De nächste Autobahn is de Autobahn 27 (Afsnidd Bremerhoben–Cuxhoben). De Opfohrt 4 Niewohl liggt so teihn Kilometer in’n Oosten von Twendamm an de L 119.
De nächste Bahnhoff is so bi dree Kilometer wied weg in’n Süden de Bahnhoff Wremen an de Bahnlien Bremerhoben–Cuxhoben.
Footnoten
[ännern | Bornkood ännern]- ↑ Wilhelm Kleeberg: Niedersächsische Mühlengeschichte. H. Bösmann, 1964, Sied 294
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 231
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 104
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 606
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 153