Hornk
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27632 | |
| Vörwahl: | 04742 | |
| Geograafsche Laag: | Koordinaten:53° 40′ N, 8° 32′ O53° 40′ N, 8° 32′ O | |
|
| ||
Hornk (hoochdüütsch Hornke) is en lütten Oort in de Gemeen Wuster Noordseeküst in’n Landkreis Cuxhoben, Neddersassen. Binnen de Gemeen höört de Oort to de polietsche Oortschop Misselwarden.
Geografie
[ännern | Bornkood ännern]De Oort liggt in de Masch von Land Wusten an de Misselwardener Waterlöös. De Noordsee is knapp dree Kilometer in’n Westen.
De Naveröörd sünd Barlinghusen in’n Noordoosten, Lewen in’n Oosten, Mulsen un Wierde in’n Süüdoosten, Twendamm un Ellerworth in’n Süden, Wremen in’n Süüdwesten un Mirk, Misselwarden un Veerhusen in’n Noordwesten.
Historie
[ännern | Bornkood ännern]Verwaltungsgeschicht
[ännern | Bornkood ännern]De Oort leeg vör 1885 in’t Amt Dorum un denn in’n Kreis Leh. 1932 is dat Deel von’n Kreis Wersermünn worrn un 1977 von’n Landkreis Cuxhoben.
De Oort höört al von öllers bi de Gemeen Misselwarden mit bi. Mit de Gemeenreform in Neddersassen an’n 1. März 1974 is de Gemeen Misselwarden Deel von de Samtgemeen Land Wusten worrn. To’n 1. Januar 2015 is de Gemeen Misselwarden oplööst un ut de ganze Samtgemeen Land Wusten is tohoop mit de Gemeen Noordholt de ne’e Gemeen Wuster Noordseeküst worrn. Sietdem höört de Oort to de Oortschop Misselwarden binnen de Gemeen.
Inwahnertall
[ännern | Bornkood ännern]| Johr | Inwahners |
|---|---|
| 1. Dezember 1905[1] | 16 Lüüd, 4 Hüüs |
Religion
[ännern | Bornkood ännern]Hornk is evangeelsch-luthersch präägt un höört to dat Kaspel von de Katharinen-Kark in Misselwarden.
För de Kathoolschen is de Hillig-Hart-Jesu-Kark in Bremerhoben-Leh tostännig.
Weertschop un Infrastruktur
[ännern | Bornkood ännern]För Hornk is de freewillige Füürwehr Misselwarden mit tostännig.
Verkehr
[ännern | Bornkood ännern]An Hornk langs löppt de Kreisstraat 68, de in’n Noorden na Engbüttel/Padingbüddel geiht un in’n Süüdoosten bi Mulsen ran an de Landsstraat 129. De L 129 geiht in’n Süden na Wremen, Dingen un Weddewarden un in’n Noordoosten na Dorum un Millm.
De nächste Autobahn is de Autobahn 27 (Afsnidd Bremerhoben–Cuxhoben). De Opfohrt 4 Niewohl liggt so ölven Kilometer in’n Oosten von Hornk an de L 119.
De nächste Bahnhoff is so bi veer Kilometer wied weg in’n Süden de Bahnhoff Wremen an de Bahnlien Bremerhoben–Cuxhoben.
Footnoten
[ännern | Bornkood ännern]- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 99
