Lewen (Land Wusten)

Vun Wikipedia
Zur Navigation springen Zur Suche springen
Wapen/Flagg Koort

Wapen vun Lewen

Lewen
Laag vun Lewen in Düütschland
Basisdaten
Bundsland: Neddersassen
Landkreis: Cuxhoben
Gemeen: Wuster Noordseeküst
Inwahners:
Postleettall: 27632
Vörwahl: 04742
Geograafsche Laag:
Koordinaten:53° 40′ N, 8° 33′ O
53° 40′ N, 8° 33′ O

Lewen (hoochdüütsch Lewing) is en lütten Oort in de Gemeen Wuster Noordseeküst in’n Landkreis Cuxhoben, Neddersassen. De Oort höört polietsch al von öllers bi Mulsen mit bi.

Geografie[ännern | Bornkood ännern]

De Oort liggt in de Masch von Land Wusten. De Noordsee is knapp fiev Kilometer in’n Westen. Dat Water ut dat Rebeed flütt af över de Lemmasch.

De Naveröörd sünd Feldsaten un Dorum in’n Noorden, Holsseln un Holsselnerfeld in’n Noordoosten, Sassendingen un Sievern in’n Süüdoosten, Mulsen in’n Süüdwesten, Hornk, Mirk un Misselwarden in’n Westen un Barlinghusen in’n Noordwesten.

Historie[ännern | Bornkood ännern]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Dorum in’n Kanton Dorum höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort weer vör 1852 in dat Mulsener Veerdel von dat Kaspel Mulsen un hett to dat Vaagdiegericht Land Wusten tohöört. Von 1852 bet 1885 leeg de Oort in’t Amt Dorum un denn in’n Kreis Leh. 1932 is dat Deel von’n Kreis Wersermünn worrn un 1977 denn von’n Landkreis Cuxhoben.

To’n 1. Januar 2015 is de Gemeen Mulsen oplööst un ut de ganze Samtgemeen Land Wusten is tohoop mit de Gemeen Noordholt de ne’e Gemeen Wuster Noordseeküst worrn.

Inwahnertall[ännern | Bornkood ännern]

Johr Inwahners
1791-00-001791[1] 11 Füürsteden
1812-00-001812[2] 21
1824-00-001824[3] 7 Füürsteden
1871-12-011. Dezember 1871[4] 45 Lüüd. 11 Hüüs

Religion[ännern | Bornkood ännern]

Lewen is evangeelsch-luthersch präägt un höört to dat Kaspel von de Marien-Kark in Mulsen.

För de Kathoolschen is de Hillig-Hart-Jesu-Kark in Bremerhoben-Leh tostännig.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Lewen liggt nich wied af von de Landsstraat 129, de in’n Noordoosten över Dorum na Millm an de L 135 ran geiht un in’n Süüdwesten na Wremen, Dingen un Weddewarden. In’n Oosten is de Oort över Sassendingen bi Sievern an de L 135 anslaten. De L 135 löppt in’n Noorden na Holsseln un Millm un in’n Süden över Sievern na Langen un Bremerhoben-Leh.

De nächste Autobahn is de Autobahn 27 (Afsnidd BremerhobenCuxhoben). De Opfohrt 4 Niewohl liggt so acht Kilometer in’n Noordoosten von Lewen an de L 119.

De nächste Bahnhoff is so bi dree Kilometer wied weg in’n Noordoosten de Bahnhoff Dorum an de Bahnlien Bremerhoben–Cuxhoben.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 141
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 103
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 372
  4. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 154