Ellernworth

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Ellernworth
Laag vun Ellernworth in Düütschland
Basisdaten
Bundsland: Neddersassen
Landkreis: Cuxhoben
Gemeen: Wuster Noordseeküst
Inwahners:
Postleettall: 27639
Vörwahl: 04705
Geograafsche Laag:
Koordinaten:53° 40′ N, 8° 31′ O
53° 40′ N, 8° 31′ O

Luftbild von’n Hoff (2012)

Ellernworth (hoochdüütsch Ellernwurth) is en Hoff in de Gemeen Wuster Noordseeküst in’n Landkreis Cuxhoben, Neddersassen. De Hoff höört polietsch al von öllers bi Wremen mit bi un heet ok Domään Hünkemann.

Geografie[ännern | Bornkood ännern]

De Hoff liggt in de Masch von Land Wusten. De Noordsee liggt knapp dree Kilometer in’n Westen. Dat Water ut dat Rebeed warrt afföhrt över den Wremer Dörpgraven, de mit de Wremer un Misselwardener Waterlöös verbunnen is.

De Naveröörd sünd Misselwarden in’n Noorden, Twendamm un Mulsen in’n Noordoosten, Sassendingen in’n Oosten, Sievern in’n Süüdoosten, Wremen in’n Süüdwesten, Mahnhamm, Rintzeln un Rielke in’n Westen un Smarrn un Feldhoff in’n Noordwesten.

Historie[ännern | Bornkood ännern]

De Hoff hett fröher blots Hünkemann heten un weer en Domään.

1922 hett de Koptein un Ünnernehmer Jürgen Hinsch den Hoff Hünkemann köfft un em ümdöfft op Ellernworth. He hett dor en Gestüt inricht. Op dat Weertschopsgebüüd hett he en 40 Meter hogen Toorn boot. De Willehadi-Kark in Wremen harr in de Tied von 1914 bet 1930 keen Karkentoorn. Dorüm is de Hoff von Frömme faken mit de Kark verwesselt worrn.

Vondaag höört de Hoff de Familie Rüsch to.

Verwaltungsgeschicht[ännern | Bornkood ännern]

Vör 1852 hett de Hoff to dat Noordwierder Veerdel von dat Kaspel Wremen in dat Vaagdiegericht Land Wusten höört. 1852 is dat Deel von dat Amt Dorum worrn un 1885 von’n Kreis Leh. Von 1932 bet 1977 weer de Oort Deel von’n Landkreis Wersermünn un keem 1977 denn an’n Landkreis Cuxhoben.

Mit de Gemeenreform in Neddersassen an’n 1. März 1974 is de Gemeen Wremen Deel von de Samtgemeen Land Wusten worrn. To’n 1. Januar 2015 is de Gemeen Wremen oplööst un ut de ganze Samtgemeen Land Wusten is tohoop mit de Gemeen Noordholt de ne’e Gemeen Wuster Noordseeküst worrn.

Inwahnertall[ännern | Bornkood ännern]

Johr Inwahners
1791-00-001791[1] 1 Füürsteed
1824-00-001824[2] 1 Füürsteed
1871-12-011. Dezember 1871[3] 10 Lüüd. 1 Huus

Religion[ännern | Bornkood ännern]

Ellernworth is evangeelsch-luthersch präägt un höört to dat Kaspel von de Willehadi-Kark in Wremen.

För de Kathoolschen is de Hillig-Hart-Jesu-Kark in Bremerhoben tostännig.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

An Ellernworth langs löppt de Landsstraat 129, de in’n Noordoosten över Mulsen na Dorum un Millm geiht un in’n Süden över Wremen na Dingen un Weddewarden. Von de L 129 geiht na Noorden de Kreisstraat 68 af na Misselwarden un Padingbüddel. Von Wreem ut na Oosten löppt de Kreisstraat 66, de in Sievern de L 135 krüüzt un bi Debst an de L 118 un de L 120 ran geiht.

De nächste Autobahn is de Autobahn 27 (Afsnidd BremerhobenCuxhoben). De Opfohrt 4 Niewohl liggt so ölven Kilometer in’n Noordoosten von Ellernworth an de L 119.

De nächste Bahnhoff is so bi twee Kilometer wied weg in’n Süden de Bahnhoff Wremen an de Bahnlien Bremerhoben–Cuxhoben.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 118
  2. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 308
  3. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 154

Weblenken[ännern | Bornkood ännern]

Commons-logo.svg Ellernworth. Mehr Biller, Videos oder Audiodateien to’t Thema gifft dat bi Wikimedia Commons.