Steenkark (Olland)

Wapen/Flagg	Koort
Basisdaten
Bundsland: Neddersassen Landkreis: Stood Samtgemeen: Lüh
Flach:	9,55 km²
Inwahners:	1822 (31. Dezember 2022)
Hööchd:	7 m över de See
Postleettall:	21720
Vörwahl:	04142
Geograafsche Laag:	53° 33′ N, 9° 36′ O
Grenzen bi OSM:	444924
Gemeenslötel:	03 3 59 039
Öörd in de Gemeen:	1
Börgermeester:	Sonja Zinke (CDU)
Websteed:	www.luehe-online.de
Koort Kreis Laag von de Gemeen Steenkark (Olland) in’n Landkreis Stood (Koort lett sik anklicken)

Steenkark is een Gemeen in de Samtgemeen Lüh in’n Landkreis Stood. Se hett 1822 Inwahners (Stand 31. Dezember 2022).

Bi Steenkark höört as Oortsdeel ok en Deel von Bachenbrook mit to.

Geografie

De Gemeen liggt in'n Olland, wat een vun de gröttsten Rebeeten för de Aaftbueree in Düütschland is, twüschen Stood un Hamborg un direktemang an de Waterkant vun de Elv un vun de Lüh.

Historie

Verwaltungsgeschicht

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Steenkark in’n Kanton Steenkark höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Steenkark in’n Kanton Jörk.

De Oort hett vör 1852 de Hauptmannschop Steenkark in dat Grevengericht Oolland billt, weer denn von 1852 bet 1885 Deel von dat Amt Jörk un von 1885 bet 1932 in’n Kreis Jörk. 1932 is dat an’n Landkreis Stood kamen.

An’n 1. Januar 1971 hett de Gemeen Steenkark sik de Samtgemeen Lüh anslaten.

Politik

Gemeenderoot

De Gemeenderoot hett siet de letzte Wohl an’n 10. September 2006 ölven Rootsmitgleder.

Sitten in’n Gemeenderaat

Johr	CDU	SPD	Wahlalternativ Steenkark
2006	5	5	1
2011	6	5	-

Börgermeesters

Tied	Naam	Partei
-Oktober 2014	Michael Gosch	CDU
27. November 2014-	Sonja Zinke	CDU

Kultur un wat to bekieken is

In Steenkark warrt jümmer an’n tweten Advent bi de Kark Wiehnachtsmarkt fiert.

Bowarken

• Hogendieckbrück

Footgängerbrüch över de Lüh no Mittelskark

• Masten vun de Elvkrüüzen 2 (de heuchsten Freeleidsmasten in Europa)

Sport

De Schützengill in Steenkark

Weertschop un Infrastruktur

Steenkark gellt na dat Regionale Ruumordnungsprogramm tohoop mit Greundiek as Grundzentrum för de Öörd in de Ümgegend.

Verkehr

In de Gemeen Steenkark föhrt dree Buslinien, de all vun de KVG Stood bedreven warrt un an den Hamborger Verkehrsverbund (HVV) ansloten sünd:

• 2357 vun Stood över Hullern-Twielfleth, Steenkark un Jörk no Hamborg-Cranz.
• 2030 Buxthuud - Dammhusen - Jörk - Boßel - Steenkark (blots alldags);
• 2033 Greundiek - Steenkark - Hornborg (blots an Schooldoog);
• Un en por annere Busstreken för Ünnernehmen un Scholen.

Scholen

In Steenkark gifft dat de Grundschool Steenkark un de Oberschool Steenkark.

Ünnernehmens

In de Straat Börgeree hett de Volksbank Stood-Cuxhoben en Filiaal.

Ver- un Entsorgung

För dat Afwater is de Afwaterverband Oolland un Geestrand mit dat Klärwark Wetterndörp tostännig.

Lüüd

De Humangenetiker Hans-Hilger Ropers is 1943 in Steenkark boren.

Weblenken

Steenkark (Olland). Mehr Biller, Videos oder Audiodateien to’t Thema gifft dat bi Wikimedia Commons.

• Websteed vun de Samtgemeen Lüh (hoochdüütsch)

Footnoten

Städer un Gemenen in’n Landkreis Stood

Balje | Bargst | Beekdörp | Bliersdörp | Brest | Burweg | Buxthu | Deinst | Dollern | Drochters | Düünbeudel | Engelschopp | Esdörp | Freenbeek | Freiborg | Gauderhandviddel | Gothenborg | Greundiek | Grootweurn | Hammoh | Harsfeld | Heinbockel | Himmelpoorten | Hornborg | Hullern-Twielenfleth | Jörk | Kronenborg | Krummendiek | Kutenhult | Mittelskark | Neekark | Nottensdörp | Obbens | Oederquart | Ohlers | Olendörp | Sounsiek | Steenkark | Stood | Wischhoben