Sielhusen

Wapen/Flagg	Koort
Basisdaten
Bundsland: Neddersassen Landkreis: Cuxhoben Gemeen: Wuster Noordseeküst
Inwahners:
Postleettall:	27637
Vörwahl:	04741
Geograafsche Laag:	53° 45′ N, 8° 35′ O

Sielhusen (hoochdüütsch Sielhausen) is en lütten Oort in de Gemeen Wuster Noordseeküst in’n Landkreis Cuxhoben, Neddersassen. Binnen de Gemeen höört Sielhusen to de Oortschop Noordholt. De Oort höört polietsch von öllers bi Spiek mit bi.

Geografie

De Oort liggt in de Masch von Land Wusten. De Noordsee liggt good dree Kilometer in’n Noordwesten. Dat Water ut dat Rebeed warrt över den Plichtgraven na de Spieker Waterlöös hen afföhrt.

De Naveröörd sünd de Wackelstraat in’n Noorden, Dieksenn un de Spieker Noordermarren in’n Noordoosten, Knill in’n Oosten, Steenau in’n Süüdoosten, Spiek in’n Süden, de Cappeler Nedderstreek in’n Süüdwesten, de Cappeler Olendiek in’n Westen un de Spieker Olendiek in’n Noordwesten.

Historie

Verwaltungsgeschicht

De Oort weer vör 1852 in dat Spieker Noorderveerdel von dat Kaspel Spiek un hett to dat Vaagdiegericht Land Wusten tohöört. Von 1852 bet 1885 weer dat in dat Amt Dorum un denn in’n Kreis Leh. 1932 is dat Deel von’n Kreis Wersermünn worrn un 1977 von’n Landkreis Cuxhoben.

De Gemeen Spiek is an’n 1. März 1974 mit de Gemeenreform in Neddersassen Deel von de Gemeen Noordholt worrn. To’n 1. Januar 2015 is de Gemeen Noordholt oplööst un dor is tohoop mit de Samtgemeen Land Wusten de ne’e Gemeen Wuster Noordseeküst von worrn.

Inwahnertall

Johr	Inwahners
1871-12-011. Dezember 1871	21 Lüüd, 5 Hüüs

Religion

Sielhusen is evangeelsch-luthersch präägt un höört to dat Kaspel von de Georg-Kark in Spiek.

För de Kathoolschen is de Twölv-Apostels-Kark in Olenwoold tostännig, de siet 2008 to de Karkengemeen St. Marien in Cuxhoben tohöört.

Weertschop un Infrastruktur

Verkehr

Sielhusen is över lüttjere Straten anbunnen an de Kreisstraten K 68 un K 14. De K 68 löppt in’n Noordoosten na Noordholt un an de Landsstraat 135 ran un in’n Süüdwesten na Padingbüddel un Misselwarden. De K 14 is in’n Westen ok wedder an de K 68 anslaten un löppt in’n Oosten na de L 135. De L 135 löppt in’n Noorden na Olenwoold un Cuxhoben un in’n Süden över Millm un Sievern na Langen un Bremerhoben.

De nächste Autobahn is de Autobahn 27 (Afsnidd Bremerhoben–Cuxhoben). De Opfohrt 3 Noordholt liggt knapp negen Kilometer in’n Süüdoosten von Sielhusen an de K 14.

De nächste Bahnhoff is so bi fiev Kilometer wied weg in’n Noordoosten de Bahnhoff Noordholt an de Bahnlien Bremerhoben–Cuxhoben.